गृहीत्वा भक्षयामास तस्य लिंगमिदं शिवम्
त्वद्ध्यानमेव जगतां सर्वपातकनाशनम्
अथापि लौकिकं वृत्तमवलंब्य त्वयेरितम्
अन्तःकरणकालुष्यक्षालिनी काचन क्रिया 1.3.2.20.
अरुणाद्रिरयं साक्षादनलाद्रिस्तिरोहितः
तत्सपर्यातपश्चर्या कार्या कात्यायनि त्वया
इत्युक्ता गौतमेनांबा तदाप्रभृति दारुणा
तपश्चचार पंचानामग्नीनां मध्यमाश्रिता
रेजे हैमी शलाकेव द्योतमाना गिरींद्रजा
सा कार्त्तिकी पौर्णमासी समापेदे शुभा तिथिः
अदर्शि किमपि ज्योतिरनुपाधिकवैभवम्
उपास्यमानमभितो देवैर्दिव्यर्षिसंगतैः
महाप्रदीपमालोक्य विस्मयं प्राप पार्वती अरुणाद्रीश्वरं नाथं तुष्टा तुष्टाव शैलजा
नमस्ते मेरुचापाय कैलासाचलवासिने 1.3.2.20.
वरुणादिसुरार्च्याय तरुणादित्यवर्चसे
जय जह्नुसुताचन्द्र लेखालंकृतशेखर
जय शैलसुतासंगसंभृतानंगवैभव
जय संध्यासमोपेतसंभृतानंदतांडव
जय हेरंबजनक जय षण्मुखवत्सल
इति स्तुत्वा मुहुस्तस्मिञ्ज्योतिषि न्यस्तलोचनाम्
लयित्वा निजमास्थाय रूपमुत्कटसुन्दरम्
मानातिरेकादपहाय सर्वमैश्वर्यमेवं तपसि प्रवृत्ताम्
शक्रः पुलोमसुतया परे दिक्पालका अपि
गंधर्वाप्सरसां संघा वसवोऽपि सुरा अपि
एकादशमहारुद्रा आदित्या द्वादशापि च
यक्षरक्षोरगा भूता ये चान्ये शिवकिंकराः
परिवार्य महेशानं समाजग्मुः सहस्रशः
अतीव विस्मयं भेजुः सर्वे कल्पांतभीषणम्
चिररात्रप्ररूढां च तद्वियोगव्यथां जहौ
पादांगुलीषु नयने विनिवेशयति स्म सा स्मितशरीरकंठश्रीप्रणयेनैवमब्रवीत्