उमया सहितं रुद्रं संतर्प्याध्वरकर्मणा
तत्रैव तप्तवान्सोमस्तपः परमदुष्करम्
तत्रैव ब्राह्मणैः प्रीतैरित्युक्तोसौ कलानिधिः
तत्रैव देवदेवस्य विलोचनपदं गतः
त्वं ममास्य परामूर्तिरित्युक्तस्तत्तपोबलात्
त्वत्पीयूषमयैर्हस्तैः स्पृष्टमेतच्चराचरम्
एतदुक्त्वा महेशानो वरानन्यानदान्मुदा 4.1.14.
यच्च क्रतु क्रियोत्सर्गस्त्वया मह्यं निवेदितः
ततोत्र लिंगे त्वन्नाम्नि सोमसोमार्धरूपधृक्
अहोरात्रं वसिष्यामि त्रैलोक्यैश्वर्यसंयुतः
जपहोमार्चनध्यानदानब्राह्मणभोजनम्
जीर्णोद्धारादिकरणं नृत्यवाद्यादिकार्पणम्
चंद्रेश्वरे कृतं सर्वं तदानंत्याय जायते
अभक्ताय च नाख्येयं नास्तिकाय श्रुतिद्रुहे
तदोपवासः कर्तव्यो भूतायां सद्भिरादरात्
शनिप्रदोषे संपूज्य लिंगं चंद्रेश्वराह्वयम्
उपोष्य च चतुर्दश्यां कृत्वा जागरणं निशि 4.1.14.
उपास्य संध्यां विधिवत्कृतसर्वोदक क्रियः
आवाहनार्घ्यरहितं पिंडान्दद्यात्प्रयत्नतः
मातामहांस्तथोद्दिश्य तथान्यानपि गोत्रजान्
कुर्वञ्छ्राद्धं च तीर्थेस्मिञ्छ्रद्धयोद्धरतेखिलान्
तथा चंद्रोदकुंडेऽत्र श्राद्धैस्तृप्यंति पूर्वजाः
तथा प्रमुच्यते चर्णाच्चंद्रोदे पिण्डदानतः
तदा नृत्यंति मुदितास्तत्पूर्वप्रपितामहाः
अस्माकं मंदभाग्यत्वाद्यदि नैव करिष्यति
स्पृशेन्नापि यदा मंदस्तदा द्रक्ष्यति तृप्तये संतर्प्य विप्रांश्च यतीन्कुर्याद्वै पारणं ततः
एवं व्रते कृते काश्यां सदर्शे सोमवासरे 4.1.14.
अत्र यात्रा महाचैत्र्यां कार्या क्षेत्रनिवासिभिः
चंद्रेश्वरं समभ्यर्च्य यद्यन्यत्रापि संस्थितः
कलौ चंद्रेशमहिमा नाभाग्यैरवगम्यते