इत्यादिजल्पन्दुर्वृत्तैः श्रूयते दूरतो यमः 4.1.8.
ये प्रजाः पालयंतीह पुत्रानेव निजौरसान्
वर्णाश्रमाश्च यद्राष्ट्रे ऽनुतिष्ठंति निजां क्रियाम्
नैव दीनो न दुर्वृत्तो नापद्ग्रस्तो न शोकभाक्
ब्राह्मणाः क्षत्रिया वैश्याः स्वधर्म निरताः सदा
उशीनरः सुधन्वा च वृषपर्वा जयद्रथः
युवनाश्वो दंतवक्त्रो नाभागो रिपुमंगलः
एते चान्ये च बहवो राजानो नीतिवर्तिनः
दामोदराच्युत जनार्दन वासुदेव त्याज्या भटाय इति संततमामनंति
गंगाधरांधकरिपो हरनीलकंठ वैकुंठ कैटभरिपो कमठाब्जपाणे 4.1.8.
इत्थं द्विजेंद्र निजभृत्यगणान्सदैव संशिक्षयेदवनिगान्स हि धर्मराजः 4.1.8.
इति शृण्वन्कथां रम्यां शिवशर्माप्रियेऽनघाम
का इमा रूपलावण्य सौभाग्यनिधयः स्त्रियः
गीतज्ञा नृत्यकुशला वाद्यविद्या विचक्षणाः
कामकेलिकलाभिज्ञा द्यूतविद्याविशारदाः
नानादेश विशेषज्ञा नानाभाषा सुकोविदाः
लीलानर्मसुसाभिज्ञाः सुप्रलापेषु पंडिताः
निर्मथ्यमानात्क्षीरोदात्पूर्वमप्सरसस्त्वमूः
उर्वशी मेनका रंभा चंद्रलेखा तिलोत्तमा
अलंबुषा गुणवती स्थूलकेशी कलावती
अनंगलतिका चापि तथा मदनमोहिनी
ग्रावद्रावा तपोद्वेष्टी चारुनासा सुकर्णिका 4.1.9.
तपःशुल्का तीर्थशुल्का दानशुल्का हिमावती
अष्टाग्निहोमिका तद्वद्वाजपेयशतोद्भवा
एतस्मिन्नप्सरोलोके वसंत्यन्या अपिस्त्रियः
दिव्यांबरा दिव्यमाल्या दिव्यगंधानुलेपनाः
कृत्वा मासोपवासानि स्खलंति ब्रह्मचर्यतः
ता इमा दिव्यभोगिन्यो रूपलावण्यसंपदः
कृत्वा व्रतानि सांगानि कामिकानि विधानतः
पतिव्रतधृता नार्यो बलेन बलिना धृताः