तीर्थोपवासः कर्तव्यः शिरसो मुंडनं तथा। शिरोगतानि पापानि यांति मुंडनतो यतः
यदह्नि तीर्थप्राप्तिः स्यात्ततोह्नः पूर्ववासरे
तीर्थप्रसंगात्तीर्थांगमप्युक्तं त्वत्पुरोमया
काशीकांती च मायाख्या त्वयोध्याद्वारवत्यपि
श्रीशैलो मोक्षदः सर्वः केदारोपि ततोऽधिकः
प्रयागादपि तीर्थाग्र्यादविमुक्तं विशिष्यते 4.1.6.
अन्यानि मुक्तिक्षेत्राणि काशीप्राप्तिकराणि च श्रावयित्वा द्विजांश्चापि श्रद्धाभक्तिसमन्वितान्
क्षत्रियान्धर्मनिरतान्वैश्यान्सन्मार्गवर्तिनः
अगस्तिरुवाच तस्य पुत्रो महातेजाः शिवशर्मेति विश्रुतः
अधीत्यवेदान्विधिवदर्थं विज्ञाय तत्त्वतः।. पठित्वा धर्मशास्त्राणि पुराणान्यधिगम्य च
अंगान्यभ्यस्य तर्कांश्च परिलोड्य समंततः
आयुर्वेदं विचार्यापि नाट्यवेदे कृतश्रमः
कलासु च कृताभ्यासो मन्त्रशास्त्रविचक्षणः
अर्थानुपार्ज्य धर्मेण भुक्त्वा भोगान्यदृच्छया
यौवनं गत्वरं ज्ञात्वा जरां दृष्ट्वाश्रितां श्रुतिम्
पठतो मे गतः कालस्तथोपार्जयतो धनम्
न मया तोषितो विष्णुः सर्वपापहरो हरिः
तमस्तोमहरः सूर्यो नार्चि तो वै मया क्वचित् 4.1.7.
न प्रीणिता मया देवा यज्ञैः सर्वैः समृद्धिदाः
न मया तर्पिता विप्रा मृष्टान्नैर्मधुरै रसैः
बहुपुष्पफलोपेताः सुच्छायाः स्निग्धपल्लवाः
दुकूलैः स्वानुकूलैश्च चोलैः प्रत्यंगभूषणैः
द्विजाय नोर्वरा दत्ता यमलोकनिवारिणी
नालंकृता सवत्सा गौः पात्राय प्रतिपादिता
ऋणापनुत्तये मातुः कारितो न जलाशयः
छत्रोपानत्कुंडिकाश्च नाध्वगाय समर्पिताः
न च कन्याविवाहार्थं वसु क्वापि मयार्पितम्
न वाजपेयावभृथे स्नातो लोभवशादहम् 4.1.7.
न मया स्थापितं लिंगं कृत्वा देवालयं शुभम
विष्णोरायतनं नैव कृतं सर्वसमृद्धिदम्