ऋत्विजां मनसस्तुष्टिः कार्या वित्तानुमानतः
पूजनीयौ प्रयत्नेन वस्त्रैश्च द्विजदंपती
प्रतिमाश्च प्रदातव्या द्विजेभ्यो धेनुपूर्विकाः दातव्यं चंद्रसुप्रीत्यै हर्षादेवं द्विजन्मने ।। 2.8.3.
उपवासविधानेन दिनशेषं नयेत्सुधीः बांधवैः सह भुञ्जीत नियमं च विसर्ज्जयेत्
एवं च कुरुते चंद्रसहस्रं व्रतमुत्तमम् व्रतेनानेन शुद्धात्मा चंद्रलोकं व्रजेन्नरः
यादृशश्च भवेद्विप्र प्रियो नारायणस्य च
देवो धर्महरिर्न्नाम कलिकल्मषनाशकः
वेदवेदाङ्गतत्त्वज्ञः स्वकर्मपरिनिष्ठितः
आगत्य च चकारोच्चैर्यात्रां तत्रादरेण सः
विधाय स्वभुजावूर्ध्वौ विप्रोऽवोचन्मुदान्वितः
अयोध्यासदृशी कापि दृश्यते नापरा पुरी
यस्यां स्थितो हरिः साक्षात्सेयं केनोपमीयते
अहो विष्णुरहो तीर्थमयोध्याऽहो महापुरी
इत्युक्त्वा तत्र बहुशो ननर्त प्रमदाकुलः
तं तथा नर्तमानं वै धर्मं दृष्ट्वा कृपान्वितः तं प्रणम्य च धर्मोऽथ तुष्टाव हरिमादरात्
नमः शंकरसंस्पृष्टदिव्यपादाय विष्णवे ।। 2.8.4.
भक्त्यार्च्चितसुपादाय नमोऽजादिप्रियाय ते
नमोऽरविन्दपादाय पद्मनाभाय वै नमः
ॐ नमो योगनिद्राय योगर्क्षैर्भावितात्मने
सुकेशाय सुनासाय सुललाटाय चक्रिणे
सुबाहवे नमस्तुभ्यं चारुजंघाय ते नमः
केशवाय च शांताय वामनाय नमोनमः
उवाच स हृषीकेशः प्रीतो धर्ममुदारधीः
वरं वरय धर्मज्ञ यस्ते स्यान्मनसः प्रियः
स्तोत्रेणानेन यः स्तौति मानवो मामतन्द्रितः
त्वामहं स्थापयाम्यत्र निजनाम्ना जगद्गुरो ।। 2.8.4.
स्मरणादेव मुच्येत नरो धर्महरेर्विभोः
सरयूसलिले स्नात्वा सुचिंताकुलमानसः
अत्र दानं तथा होमं जपो ब्राह्मणभोजनम्
अज्ञानाज्ज्ञानतो वापि यत्किंचिद्दुष्कृतं भवेत्