नीराजितमिवोद्दीपैराजचंपककोरकैः
क्वचिच्चलदलैरुच्चैः क्वचित्कांचनकेतकैः
कर्कंधु बंधुजीवैश्च पुत्रजीवैर्विराजितम् २४ !। गलन्मधू ककुसुमैर्धरारूपधरंहरम्
सर्जार्जुनांजनैर्बीजैर्व्यजनैर्वीज्यमानवत्
अमंदैः पिचुमंदैश्च मंदारैः कोविदारकैः
उद्दंडैश्चापि शेहुंडैरेरंडैर्गुडपुष्पकैः
अक्षैः प्लक्षैः शल्लकीभिर्देवदारुहरिद्रुमैः
एलालवंग मरिचकुलुं जनवनावृतम् 4.1.1.
शाकशंखवनैरम्यं चदनैरक्तचंदनैः
द्राक्षावल्लीनागवल्लीकणावल्लीशतावृतम्
भ्रमद्भ्रमरमालाभिर्मालतीभिरलंकृतम्
नानामृगगणाकीर्णं नानापक्षिविनादितम्
तुच्छश्रियः स्वर्गभूमीः परिहायागतैरिव
उत्सृजंतमिवार्घ्यं वै पत्रपुष्पैरितस्ततः
अथ सूर्यशताभासं नभसि द्योतितांबरम्
ब्रह्मसूनुवपुस्तेजो दूरीकृतदरीतमाः
ब्रह्मतेजःसमुद्भूत साध्वसः साधुस त्क्रियः
दृष्ट्वा मृदुलतां तस्य द्वैरूप्येपि स नारदः 4.1.1.
गृहानायांतमालोक्य गुरुंवाऽगुरुमेव वा
तं प्रत्युच्चैः शिराःसोपि विनम्रतरकंधरः
तमुत्थाप्य कराग्राभ्यामाशीर्भिरभिनंद्य च
स दध्नामधुनाज्येन नीरार्द्राक्षतदूर्व या
गृहीतार्घ्यंकिल श्रांतं पादसंवाहनादिभिः
अद्य सद्यः परिहृतं त्वदंघ्रिरजसारजः
सफलर्धिरहं चाद्य सुदिवाद्यच मे मुने
धराधरत्वं कुलिषुमान्यं मेऽद्य भविष्यति
पुनरूचे कुलिवरः संभ्रमाप न्नमानसः
अदृष्टं तव नोदृष्टं यदिष्टंविष्टपत्रये 4.1.1.
त्वदागमनजानन्दसंदोहैर्मे दुरारवः
धराधरणसामर्थ्यं मेर्वादौ पूर्वपूरुषैः