भूमिष्ठापि न यात्रभूस्त्रिदिवतोप्युच्चैरधःस्थापि या या बद्धा भुवि मुक्तिदास्युरमृतं यस्यां मृता जंतवः
नमस्तस्मै महेशाय यस्य संध्यात्त्रयच्छलात्
अष्टादशपुराणानां कर्त्ता सत्यवतीसुतः
श्रीव्यास उवाच कदाचिन्नारदः श्रीमान्स्नात्वा श्रीनर्मदांभसि
व्रजन्विलोकयांचक्रे पुरोविंध्यं धराधरम्
द्वैरूप्येणापि कुर्वंतं स्थावरेण चरेण च
रसालयं रसालैस्तैरशोकैः शोकहारिणाम्
खपुरैः खपुराकारं श्रीफलं श्रीफलैः किल
वनश्रियः कुचाकारैर्लकुचैश्च मनोहरम् 4.1.1.
सुरंगैश्चापि नारंगैरंगमंडपवच्छियः
अनिलालोल कंकोल वल्लीहल्ली सकायितम्
मंदांदोलितकर्पूर कदलीदल संज्ञया
पुन्नागमिव पुन्नागपल्लवैःकरपल्लवैः
विदीर्णदाडिमैः स्वांतं दर्शयंतं तु रागवत्
उदुंबरैरंबरगैरनंतफलमालितैः
पनसैर्वनासाभैः शुकनासैः पलाशकैः
कदंबवादिनो नीपान्दृष्ट्वा कंटकितैरिव
नमेरुभिश्च मेरूच्चशिखरैरिव राजितम्
तटेतटेपटुवटैरुच्चैःपटकुटी वृतम् 4.1.1.
करमर्दैः करीरैश्च करजैश्चकरंबकैः
नीराजितमिवोद्दीपैराजचंपककोरकैः
क्वचिच्चलदलैरुच्चैः क्वचित्कांचनकेतकैः
कर्कंधु बंधुजीवैश्च पुत्रजीवैर्विराजितम् २४ !। गलन्मधू ककुसुमैर्धरारूपधरंहरम्
सर्जार्जुनांजनैर्बीजैर्व्यजनैर्वीज्यमानवत्
अमंदैः पिचुमंदैश्च मंदारैः कोविदारकैः
उद्दंडैश्चापि शेहुंडैरेरंडैर्गुडपुष्पकैः
अक्षैः प्लक्षैः शल्लकीभिर्देवदारुहरिद्रुमैः
एलालवंग मरिचकुलुं जनवनावृतम् 4.1.1.
शाकशंखवनैरम्यं चदनैरक्तचंदनैः
द्राक्षावल्लीनागवल्लीकणावल्लीशतावृतम्