विधृतस्त्वं च यैस्ते तु सरोगेयाभिधाः सुराः
एते हि विश्वरिपवो निहताः स्युरुपायतः
ततो भीमः प्रणम्याह मनोवाक्कायवृद्धिभिः
पुरुषोत्तम भवान्नाथ बालिशस्य प्रसीद मे 1.2.66.
रणाजिरं भूय एत्य बर्बरीकं वचोऽब्रवीत्
पूजितः सर्वलोकैस्त्वं यच्छंस्तेषां वरान्वृतान्
देहिस्थल्यां तथा वासी क्षमस्व दुष्कृतं च यत्
वासुदेवोऽपि कार्याणि सर्वाण्यूर्ध्वमकारयत् स्तवं चास्य प्रवक्ष्यामि येन तुष्यति यक्षराट्
जयजय चतुरशीतिकोटिपरिवार सूर्यवर्चाभिधान यक्षराज जय भूभारहरणप्रवृत्त लघुशापप्राप्तनैर्ऋतियोनिसंभव जय कामकटंकटाकुक्षिराजहंस जय घटोत्कचानंदवर्धन बर्बरीकाभिधान जय कृष्णोपदिष्टश्रीगुप्तक्षेत्रदे वीसमाराधनप्राप्तातुलवीर्य जय विजयसिद्धिदायक जय पिंगलारेपलेन्द्रदुहद्रुहानवकोटीश्वर पलाशनदावानल जय भूपातालांतराले नागकन्यापरि हारक जय भीममानमर्दन जय सकलकौरवसेनावधमुहूर्तप्रवृत्त जय श्रीकृष्णवरलब्धसर्ववरप्रदानसामर्थ्य जयजय कलिकालवंदितनमोनमस्ते पा हिपाहीति
अनेन यः सुहृदयं श्रावणेऽभ्यर्च्य दर्शके शतदीपैः पूरिकाभिः संस्तवेत्तस्य तुष्यति
ततो विप्रा नारदश्च समाराध्य महेश्वरम्
लोकानां च हितार्थाय केदारं लिङ्गमुत्तमम्
अत्र कुण्डे नरः स्नात्वा श्राद्धं कृत्वा यथाविधि
मातुः स्तन्यं पुनर्नैव स पिबेन्मुक्तिभाग्भवेत् 1.2.66.
वरं दत्त्वा स्वयं तस्थौ महीनगरके शुभे
जयादित्यं नमस्कृत्य रुद्रलोकमवाप्नुयात्
न तेषां वंशनाशोऽस्ति जयादित्यप्रसादतः
पुत्रपौत्रसमायुक्ता धनधान्यसमायुताः
इति प्रोक्तं मया विप्रा गुप्तक्षेत्रं समासतः स्वयंभुवा प्रोक्तमिदं सर्वकामार्थसिद्धिदम्
इति वो वर्णितः पुण्यो महीसागरसम्भवः
य इदं श्रावयेद्विद्वान्महामाहात्म्यमुत्तमम्
गुप्तक्षेत्रस्य माहात्म्यं सकलं श्रावयेद्यदि
कोटितीर्थस्य माहात्म्यं महीनगरकस्य च
कोटितीर्थे नरः स्नात्वा श्राद्धं कृत्वा प्रयत्नतः 1.2.66.
स्वर्गपातालमर्त्येषु यानि तीर्थानि सन्ति वै
अश्वमेधादिभिर्यज्ञैरिष्टैश्चैवाप्तदक्षिणैः
तत्पुण्यं प्राप्यते विप्राः कोटितीर्थे न संशयः
इदं पवित्रं खलु पुण्यदं सदा यशस्करं पापहरं परात्परम्
धन्यं यशस्यं नियतं सुपुण्यं स्वर्मोक्षदं पापहरं नराणाम्
श्रीगणेशाय नमः तं मन्महे महेशानं महेशानप्रियार्भकम्