वैलाकश्चापरो भक्तो भविष्यति ममोत्तमः
लोहाणासंस्थितां चैव येर्चयिष्यंति मां जनाः
अंधानां च प्रदास्यामि भावीनि नयनान्यहम्
पादांगुष्ठेन च भवांस्तत्र कुंडं विधास्यति 1.2.65.
मत्स्यानां नेत्रनेत्रस्थतेजस्तन्मात्रमुत्तमम्
एवं मम महास्थानं कलौ ख्यातं भविष्यति
लोहाणाख्यं महाबाहो नाम केलेश्वरीति च
धर्मारण्ये वसिष्यामि भवतां त्राणकारणात्
धर्मारण्ये स्थितां चैव येऽर्चयिष्यंति मानवाः
स्नात्वा महीसागरे च तेषां दास्यामि वांछितम्
पुत्रपौत्रान्प्रदास्यामि स्वर्गं मोक्षं न संशयः वत्सराजः पांडवानां तोषयिष्यति यत्नतः
यस्य नाम्ना ततः ख्याता भविष्यामि कलौ युगे
मत्प्रसादात्स राजा वै भवनोत्तापकारिणीम्
तस्याश्चापि वधस्थानमट्टालजमिति स्थितम् 1.2.65.
अट्टालयाजग्रामे मामर्चयिष्यंति ये जनाः
वत्सेश्वरीं च ये देवीं पूजयिष्यंति मानवाः
इत्थमट्टालये वासो लोहाणे च भविष्यति
मम लोकहितार्थाय लोहस्य च निशम्यताम्
वृत्रासुर इवाजेयो लोकानुत्सादयिष्यति
यत्र हंता तत्र ग्रामं लोहाटीति भविष्यति
प्रस्थाने लोहवद्भावी करिष्ये तं नपुंसकम्
ग्रामं चापि गयत्राडं तत्र ख्यातं भविष्यति
माघाष्टम्यां न शिष्यंति तस्य सर्वेऽप्युपद्रवाः
तेषां पुंस्त्वं हरिष्यामि महारौद्राधितिष्ठति 1.2.65.
तस्मिन्कलियुगे घोरे रौद्रे रुद्रेऽतिनिर्घृणे
भवत्सु च स्वर्गतेषु गयोऽपि सुमहत्तपः
गयातीर्थं गतं तं च गयाध्वंसनकाम्यया
इत्थं श्रीमान्पीतवासा अवतीर्य बुधः प्रभुः
इति संक्षेपतः प्रोक्तं भविष्यं पांडवा मया
इदं तीर्थवरं मह्यं संसेव्यं सर्वदा प्रियम्