सांगवेदा धर्मशास्त्रं पुराणानि शिवागमाः
निश्रेयसाय भक्तानां त्वयैव गुरुरूपिणा
तेषु कस्य प्रकारेण कुर्वाणौ त्वदुपासनाम्
जगाद करुणामूर्त्तिर्जगतीभृत्सुतापतिः
कामिकोक्तेन मार्गेण मामर्चयितुमर्हथः
मोहतो विस्मृता मन्ये भवद्भ्यां शैवसंहिता 1.3.2.16.
तदा प्रादुरभूत्तत्र लिंगं किमपि मंगलम्
तच्चावलोक्य साश्चर्य्यौ मुकुन्दकमलासनौ
तावकारयतां शोणगिरिनाथस्य चालयम्
खानयामासतुस्तत्र सरः किमपि पावनम्
अरुणाख्यं पुरं चारात्कल्पयामासतुश्चिरम्
तस्यां ब्रह्मर्षयो देवा गंधर्वा दिव्ययोषितः
तीर्थानि धार्य कूपत्वं गंगाद्याः सरितस्तथा
गोलोको गोगोष्ठतया नैगमत्वं किलागमाः
भूताः प्रेताः पिशाचाश्च वेतालाः कटपूतनाः
देवोपि धूर्जटिस्तस्यां कौतुकी सिद्धरूपधृक् 1.3.2.16.
न केनचिदविज्ञातः सदा सर्वत्र दीप्यति
दांतौ शोणाद्रिनाथं तमर्चयामासतुश्चिरम्
दीक्षादिकानि चक्राते स्वयमाचार्यतां गतौ
प्रातः स्नात्वा समाहृत्य पुष्पपत्रादिकं फलम्
जंजल्पाकौ जजपतुः सर्वमंत्राधिकं सदा
प्रदक्षिणानमस्कारैर्मुद्राबंधैर्नवैर्नवैः
पंचब्रह्मषडंगाद्यैरर्चयामासतुः शिवम्
वेधोविष्णू समाराध्य शिवज्ञानमवापतुः
इतीदमश्रावि मया रहस्यं पितुः शिलादस्य मुखात्पुरा यत्
तथापि कौतुकेनाहमाक्रांतो मुनयोऽप्यमी
शृणु त्वमवधानेन मार्कंडेय महामते
ननु जानासि तत्पूर्वं यथा दाक्षायणी शिवः
यथा च सा क्रुधा भर्तुर्द्रुहि दक्षप्रजापतौ
तदा हराज्ञानिघ्नेन वीरभद्रेण यत्कृतम्