तस्य तन्निष्फलं सर्वमित्युक्तं पाल्यमेव मे पुष्पैर्धूपैस्तु नैवेद्यैर्मंत्रेणानेन भक्तितः
सुनंदे नंदनीयासि पूजामेतां गृहाण मे
एवं संपूज्य तां नत्वा क्षमाप्य वटयक्षिणीम्
विजयश्चापि माहात्म्यमिदं जानन्महामतिः 1.2.62.
ततः सिद्धांबिकां स्तुत्वा जप्तवानपराजिताम्
यस्याः स्मरणमात्रेण सर्वदुःखक्षयो भवेत्
ॐ नमो भगवते वासुदेवाय नमोऽनंताय सहस्रशीर्षाय क्षीरोदार्णवशायिने शेषभोगपर्यंकाय गरुडवाहनाय पीतवाससे वासुदेव संकर्षण प्रद्युम्नानिरुद्ध हयशिरो वराह नरसिंह वामन त्रिविक्रम राम राम वरप्रद नमोऽस्तु ते नमोऽ स्तुते असुरदैत्यदानवयक्षराक्षस भूतप्रेतपिशाचकुंभांड सिद्धयोगिनी डाकिनी स्कंदपुरोगमान्ग्रहान्नक्षत्रग्रहांश्चान्यांश्च हन २ दह २ पच २ मथ २ विध्वंसय २ विद्रावय २ शंखेन चक्रेण वज्रेण गदया मुशलेन हलेन भस्मीकुरु सहस्रबाहवे सहस्रचरणायुध जय २ विजय २ अपराजित अप्रतिहत सहस्रनेत्र ज्वल २ प्रज्वल २ विश्वरूप बहुरूप मधुसूदन महावराह महापुरुष वैकुंठ नारायण पद्मनाभ गोविंद दामोदर हृषीकेश सर्वासुरो त्सादन सर्वभूतवशंकर सर्वदुःखप्रभेदन सर्वयंत्रप्रभंजन सर्वनागप्रमर्दन सर्वदेवमहेश्वर सर्वबंधविमोक्षण सर्वाहितप्रमर्दन सर्वज्वरप्रणाशन सर्वग्रह निवारण सर्वपापप्रशमन जनार्दन जनानंदकर नमोऽस्तु ते स्वाहा
इमामपराजितां परमवैष्णवीं महाविद्यां जपति पठति शृणोति स्मरति धारयति कीर्तयति न च तस्य वाय्वग्निवज्रोपलाशनिवर्षभयं न समुद्रभयं न ग्रहभयं न च चौरभयं न च श्वापदभयं वा भवेत्
क्वचिद्रात्र्यंधकारस्त्रीराजकुलविषोपविषगरदवशीकरण विद्वेषणोच्चाटनवधबंधभयं वा न भवेदेतैर्मंत्रपदैरुदाहृतैर्हृदा बद्धैः संसिद्धपूजितैः
तद्यथा ।। नमोनमस्तेऽस्तु अभये अनघे अजिते अत्रसिते अमृते अपराजिते पठितसिद्धे स्मरितसिद्ध एकानंशे उमे ध्रुवे अरुंधति सावित्रि गायत्रि जातवेदसि मानस्तोके सरसि सरस्वति धरणि धारिणि सौदामिनि अदिते विनते गौरि गांधारि मातंगि कृष्णे यशोदे सत्यवादिनि ब्रह्मवादिनि कालि कपालिनि सद्योवयवचयनकरि स्थलगतं जलगतमंतरिक्षगतं वा रक्ष २ सर्वभूतभयोपद्रवेभ्यो रक्ष २ स्वाहा
यस्याः प्रणश्यते पुष्पं गर्भो वा पतते यदि धारयेत इमां विद्यामेभिर्दोषैर्न लिप्यते
रणे राजकुले द्यूते नित्यं तस्य जयो भवेत्
गुल्मशूलाक्षिरोगाणां नित्यं नाशकरी तथा
तद्यथा ।। हन २ कालि सर २ कालि सर २ गौरि धम २ गौरि धम २ विद्ये आले ताले माले गंधे वधे पच २ विद्ये नाशय पापं हन् दुःस्वप्नं विनाशय कष्टनाशिनि रजनि संध्ये दुंदुभिनादे मानसवेगे शंखिनि चक्रिणि वज्रिणि शूलिनि अपमृत्युविनाशिनि विश्वेश्वरि द्रविडि द्राविडि केशवदयिते पशुपतिमहिते दुर्द्दमदमिनि शर्वरि किराति मातंगि ॐह्राँह्रँह्रँह्रँक्राँक्रँक्रँक्रँत्वर २ ये मां द्विषति प्रत्यक्षं परोक्षं वा सर्वान्दम २ मर्द्द २ तापय २ पातय २ शोषय २ उत्सादय २ ब्रह्माणि माहेश्वरि वाराहि विनायकि ऐंद्रि आग्नेयि चामुंडे वारुणि प्रचंडविद्योते इंदोपेंद्रभगिनि विजये शांतिस्वस्तिपुष्टिविवर्धिनि कामांकुशे कामदुधे सर्वकामवरप्रदे सर्वभूतेषु वासिनि प्रति विद्यां कुरु २ आकर्षिणि वेशिनि ज्वालामालिनि रमणि रामणि धरणि धारिणि मानोन्मानिनि रक्ष २ वायव्ये ज्वालामालिनि तापनि शोषणि नीलपताकिनि महागौरि महाश्रये महामयूरि आदित्यरश्मि जाह्नवि यमधंटे किणि २ चिंतामणि सुरभि सुरोत्पन्ने कामदुघे यथा मनीषितं कार्यं तन्मम सिध्यतु स्वाहा ॐस्वाहा ॐभूः स्वाहा ॐभुवः स्वाहा ॐस्वः स्वाहा ॐभूर्भुवःस्वःस्वाहा यत्रैवागतं पापं तत्रैव प्रतिगच्छतु स्वाहा ॐबले महाबले उासिद्धसाधिनि स्वाहा ।। 1.2.62.
इतीमां साधयामास वैष्णवीमपरा जिताम्
य इमां पठते नित्यं साधनेन विनापि च
जुह्वतो मंत्रमुख्यैश्च बलातिबलसंज्ञकैः
यामे तु प्रथमे याते काचिन्नारी समाययौ
दारुणाक्षी शुक्लदन्ती भयस्यापि भयंकरी
तां दृष्ट्वा चुक्षुभे सद्यो विजयो भीतिमानिव
ततः कण्ठं समाश्लिष्य तस्या मतिमतां वरः
तं दृष्ट्वा विस्मिता सा च यावन्मुंचति कर्तिकाम्
पीड्यमाने च बलिना कंठे तस्या मुहुर्मुहुः
क्षणं रावांस्ततो मुक्त्वा त्राहि मुञ्चेति वक्त्यणु
शरणं ते प्रपन्नास्मि दासी कर्मकरी तव
काशीश्मशाननिलयां देवदानवदर्पहाम् 1.2.63.
ततस्तपश्चरिष्यामि सर्वभूताभयप्रदा
यद्येतद्व्यत्ययं कुर्यां भस्मीभूयां ततः क्षणम्
मुमोच सापि संहृष्टा कृच्छ्रा- न्मुक्ता ययौ वनम्
ततो मध्यमरात्रौ च गर्जितं श्रूयते महत्