पर्वतादिमहाभारवहनं लीलयैव च
अंगुल्यग्रनिपातेन भूमेः सर्वत्र कम्पनम्
चतुर्विंशतिः पूर्वाश्चाप्यष्टावेताश्च सिद्धयः
छायाविहीननिष्पत्तिरिंद्रियाणामदर्शनम्
दूरे च शब्दग्रहणं सर्वशब्दावगाहनम्
अष्टौ वातात्मिकाश्चैन्द्रे द्वात्रिंशदपि पूर्वकाः
सर्वत्राभिभवश्चैव सर्वगुह्यनिदर्शनम्
चत्वारिंशच्च पूर्वाश्च सोमलोके स्मृतास्त्विमाः 1.2.55.
सर्वभूत प्रसादत्वं मृत्युकालजयस्तथा
आकारेण जगत्सष्टिस्तथानुग्रह एव च
असादृश्यमिदं व्यक्तं निर्वाणं च पृथक्पृथक्
षट्पंचाशत्तथा पूर्वाश्चतुःषष्टिरिमे गुणाः
जीवतो देहभेदे वा सिद्ध्यश्चैतास्तु योगिनाम्
एतान्गुणान्निराकृत्य युञ्जतो योगिनस्तदा
अणिमा लघिमा चैव महिमा प्राप्तिरेव च
यत्र कामावसायित्वं माहेश्वरपदस्थिताः
महिमा शेषपूज्यत्वात्प्राप्तिर्नाप्राप्यमस्य यत्
वशित्वाद्वशिता नाम सप्तमी सिद्धिरुत्तमा 1.2.55.
ऐश्वरं पदमाप्तस्य भवंत्येताश्च सिद्धयः
एष मुक्त इति प्रोक्तो य एवं मुक्तिमाप्नुयात्
तथैवं सात्म्यमभ्येति योगिनामात्मा परात्मना
अत्रोपमां व्याहरंति योगार्थं योगिनोऽ मलाः
समुत्सृजति नैकः सन्नुपमा सास्ति योगिनः
ध्वस्ते यांत्यन्यतो दुःखं न तेषां सोपमा यतेः
करोति मृद्भागचयमुपदेशः स योगिनः
वृक्षं विलुप्यमानं च लब्ध्वा सिध्यंति योगिनः
सह तेन विवर्धेत योगी सिद्धिमुपाश्नुते
तुंगमार्गं विलोक्यैवं विज्ञातं कि न योगिनाम् 1.2.55.
येन निष्पाद्यते चार्थः स्वयं स्याद्योगसिद्धये
ज्ञानानां बहुता येयं योगविघ्नकरी हि सा