अमरा दानवा दैत्याः सिद्धा विद्याधरा नराः
स्वर्गस्त्वमपवर्गस्त्वं त्वमोंकारस्त्वमध्वरः
त्वमादिर्मध्यमंतश्च तस्थुषां जग्मुषामपि
परेशः परतः शास्ता सर्वानुग्राहकः शिवः
यं दृष्ट्वा शरणं प्राप्तो निःश्रेयसमवाप्नुयात्
तच्छ्रुत्वैष कृपां कुर्यादवश्यं सर्वतः श्रुतिः
तमेव तैजसं स्तंभं प्रणम्य परमेश्वरम् हठात्तेन विरंचेन वार्यमाणोपि सस्मितम् ।। 1.3.2.14.
कालांतक क्रतुध्वंसिन्नीलकंठेंदुशेखर
जय शंभो शिवेशान शर्व त्र्यंबक धूर्जटे
जयेश खंडपरशो शूलिन्पशुपते हर
जय रुद्र मखाराते पिनाकिन्प्रमथाधिप
जय भीम मृगव्याध कृत्तिवासः कृपानिधे
त्वदाज्ञया मरुद्राति फणी वहति भूभरम्
ज्योतींषि संचरंते खे सर्वं त्वच्छासनात्प्रभो
विधाय कल्पसे पुष्ट्यै सूते सस्यानि मेदिनी
अणिमादिमहासिद्धिनिःसाधारणवैभवः
विशुक्त्वे विस्मरामस्त्वां स्मरामः संकटेपि च 1.3.2.14.
यदा विधित्सेर्भक्तिं त्वं यदा च प्रावृणोषि ताम्
इति स्तुतस्सांजलिबद्धपाणिना पतिः पशूनामथ चक्रपाणिना
कैलासकूटधवलं वृषेन्द्रमधितस्थिवान्
जटाजूटवता बालचंद्रचूडेन मौलिना
नागकुंडलिभिः फालफलकोद्भासिलोचनैः
शूलं कपालं डमरुं सारंगं परशुं धनुः
श्वसितोद्धूलिताकारो गजचर्मोत्तरीयवान्
परिधानीकृतव्याघ्रचर्मा ताभ्यामदर्शि सः
न किंचिदपि जानानो मुमोह च सरोजभूः
दृशाभिनंद्य माधवं प्रसन्नया महेश्वरः
जगाद चाधिकारितामदाद्युवां समुद्धतौ
परीक्ष्य वैभवं मम प्रबोधवानभूद्धरिः 1.3.2.15.
अशासि पंचवक्त्रता यदोपहासितो ह्यहम्