पूजिता च ततो दैवी कोलंबा जगदीश्वरी
सदात्र चाहं स्थास्यामि प्रसादं प्रापिता त्वया
पूजयिष्यंति मां मर्त्यास्तेषां छेत्स्यामि दुष्कृतम्
मेरोः समीपे रुद्राण्याः कूप एष स एव च
प्रयागादपि गंगाया गयायाश्च विशेषतः
तदहं तव वाक्येन संस्थितात्र तपोधन
कुमारेशं पूजयित्वा पूजयिष्यंति ये च माम्
प्रत्यब्रवं प्रमुदितः कोलंबां विश्वमातरम् ।। 1.2.47.
अत्रास्य माता त्वं देवि गुप्तक्षेत्रस्यकारणम्
इदं च यत्सरः पुण्यं त्वन्नाम्ना ख्यातिमेष्यति
एवं दीर्घं तपस्तप्त्वा स्थापिता मयका शुभा
तृतीया च दिशि तस्यां स्थिता संस्थापिता मया
धन्यास्ते ये प्रपश्यंति नित्यमेनां नरोत्तमाः
एवमेतास्तिस्रो दुर्गाः पूर्वस्यां दिशि संस्थिताः
सुवर्णाक्षी तु या देवी ब्रह्मांडपरिपालिनी
ये चैनां प्रणमिष्यंति पूजयिष्यंति भक्तितः
अपरा च महादुर्गा चर्चिता चेति संस्थिता । रसातलतलात्तत्र मयानीता सुभक्तितः
इयमर्च्या च चिंत्या च वीरत्वं समभीप्सुभिः 1.2.47.
इयमेव महादुर्गा शूद्रकं वीरसत्तमम् । चौरैर्बद्धं कलौ चाग्रे मोक्षयिष्यति विक्रमात्
ततस्त्वेतां स चाराध्य वीरेंद्रत्वमवाप्स्यति
तस्मादियं समाराध्या वीर्यकामैर्नरैः सदा
तथा त्रैलोक्यविजया तृतीयस्यां दिशि स्थिता । यामाराध्य जयं प्राप्तस्त्रिलोक्यां रोहिणीपतिः
एवमेताः पश्चिमायामुत्तरस्यामतः शृणु
एकवीरेति या देवी साक्षात्सा शिवपूजिता
वीर्येणाद्येकवीरायाः कृत्वा लोकांश्च भस्मसात्
एवंविधा त्वेकवीरा शक्तिरेषा सनातनी
ब्रह्मलोकात्समानीता मयाराध्यात्र भारत
द्वितीया हरसिद्ध्याख्या देवी दुर्गा महाबला 1.2.47.
यदा शीकोत्तरस्थेन पार्वत्या प्रार्थितेन च
तदा मंत्रप्रभावेण मोहिता गिरिजा सती