कीर्तिकीर्तिकरो नित्यो रोचिष्णुः कल्मषापहः ४३.
कृतकृत्यः सुसंगश्च बहुज्ञो वचसां पतिः ४३.
प्रणतार्तिहरोऽरोग आयुष्यमान्सुखदः सुखी ४३.
शुचिः पूर्णो मोक्षमार्गदाता भोक्ता महेश्वरः ४३.
जगत्पिता धूमकेतुर्विधूतो ध्वांतहा गुरुः ४३.
सामप्रियो लोकबन्धुर्नैकरूपो युगादिकृत् ४३.
मयैवं संस्तुतो भानुर्नाम्नामष्टशतेन च ४३.
इत्येवं संस्तवात्प्रीतो भास्करो मामवोचत ४३.
यो मामत्र महाभक्त्या भट्टादित्यं प्रपूजयेत् ४३.
मामुद्दिश्य च यो विप्रः स्वल्पं वा यदि वा बहु ४३.
रक्तोत्पलैश्च कह्लारैः केसरैः करवीरकैः ४३.
सप्तम्यामथ षष्ठ्यां वा येऽर्चयिष्यंति मामिह ४३.
दर्शनान्मम भक्त्या च नाशो व्याधिदरिद्रयोः ४३.
अभक्तिं यश्च कर्ता मे स गच्छेन्निश्चिंतं क्षयम् ४३.
त्रिकालमेककालं वा पठतः श्रृणुयत्फलम् ४३.
भवेद्वर्षशतायुश्च सर्वरोगविवर्जितः ४३.
अक्षयं स्वल्पमप्यन्नं भवेत्तस्योपसाधितम् ४३.
तस्मादेतत्त्वया जाप्यं परं स्वस्त्ययनं महत् ४३.
कामरूपकला यत्र तत्र कुंडं वने भवेत् ४३.
ततो भास्करवाक्येन सिद्धेशस्य च सव्यतः ४३.
कामरूपभवं कुंडं वृक्षास्ते चापि भारत ४३.
माघमासस्य शुक्लायां सप्तम्यां स्त्री नरोऽपि वा ४३.
तस्यानंतं भवेत्पुण्यं रथं यश्च प्रपूजयेत् ४३.
ये च पश्यंति लोकास्ते धन्याः सर्वे न संशयः ४३.
भविष्यंति नरास्ते ये कारयंति रथोत्सवम् ४३.
भट्टादित्यस्य कुंडे च तत्फलं सप्तमीदिने कपिला गोशतस्यासौ दत्तस्य फलमश्नुते॥ ४३.
वासुदेवादयः सर्वे वदंत्येवं महामुने॥ ४३.
भास्करार्घं विना पातः कृतं सर्वं च निष्फलम् ४३.
यथा ब्रह्मादयो देवा यच्छंत्यर्घं महात्मने ४३.
प्रथमं तावत्प्रत्युषे उदिते सूर्ये शुचिर्भूत्वा गोमयकृतमंडलस्योपरि रक्तचंदनेन मंडलकं कृत्वा ततस्ताम्रपात्रे रक्तचंदनोदकश्वेतचंदनादिद्रव्यैः प्रपूरणं कृत्वा तन्मध्ये हेमाक्षतदूर्वादधिसर्पीषि परिक्षिप्य स्थापयेत्॥ ४३.