दानं दद्याद्यथाशक्त्या नियतो हृष्टमानसः ४२.
मुच्यतेऽसौ न संदेहो यद्यपि ब्रह्मघातकः ४२.
कुलानां तारयेत्पार्थ शतमेकोत्तरं नरः ४२.
अहंकारविहीनं च स्नानं धूपानुपनम् ४२.
यामेयामे महाभक्त्या कृतारार्तिकसंयुतम् ४२.
पुराणश्रुतिसंपन्नं भक्तिनृत्यसमन्वितम् ४२.
तत्पादसौरभघ्राणसंयुतं विष्णुवल्लभम् ४२.
पायुरोधेन संयुक्तं ब्रह्मचर्यसमन्वितम् ४२.
सत्यान्वितं सत्ययोगसंयुतं पुण्यवार्तया एकादश्यां प्रकुर्वीत पुनर्न जायते भुवि॥ ४२.
अत्र तीर्थवरे पूर्वमैतरेय इति द्विजः ४२.
ऐतरेयः कस्य पुत्रो निवासः क्वास्य वा मुने ४२.
अस्मिन्नेव मम स्थाने हारीतस्यान्वयेऽभवत्॥ ४२.
मांडूकिरिति विप्राग्र्यो वेदवेदांगपारगः॥ ४२.
तस्यासी दितरा नाम भार्या साध्वीगुणैर्युता ४२.
स च बाल्यात्प्रभृत्येव प्राग्जन्मन्यनुशिक्षितम् ४२.
न श्रृणोति न वक्त्येव मनसापि च किंचन ४२.
ततो मूकोऽयमित्येव नानोपायैः प्रबोधितः ४२.
ततो निश्चित्य मनसा जडोयमिति भारत ४२.
पिंगानाम च सा भार्या तस्याः पुत्राश्च जज्ञिरे ४२.
यज्ञेषु शांतिहोमेषु द्विजैः सर्वत्र पूजिताः ४२.
जजाप परमं जाप्यं नान्यत्र कुरुते श्रमम् ४२.
दार्यमाणेन मनसा तनयं वाक्यमब्रवीत् ४२.
नार्यास्तस्या नृलोकेऽत्र वरैवाजननिः स्फुटम् ४२.
पिंगेयं कृतपुण्या वै यस्याः पुत्रा महागुणाः ४२.
तदहं पुत्र दुर्भाग्या महीसागरसंगमे त्वमप्येवं महामौनी नन्द भक्तो हरेश्चिरम्॥ ४२.
इति मातुर्वचः श्रुत्वा प्रहसन्नैतरेयकः॥ ४२.
ध्यात्वा मुहुर्तं धर्मज्ञो मातरं प्रणतोऽब्रवीत् ४२.
अशोच्ये शोचसि शुभे शोच्ये नैवाऽपि शोचसि ४२.
मूर्खाचरितमेतद्धि मन्मातुरुचितं न हि ४२.
प्रपश्यंति यथा रात्रौ खद्योतं दीपवत्स्थितम् ४२.