वासुदेवप्रसादेन तत्स्थानं जातमद्भुतम्
सर्वेषामिव भूतानां भर्तुर्मोक्षस्य सर्वदा
नानालिंगधरा नित्यं विष्णुलोकाभिकांक्षिणः 2.8.3.
यथा धर्ममवाप्नोति अन्यत्र न तथा क्वचित्
सर्वकामफलप्राप्तिर्जायते प्राणिनां सदा दानादिकं विप्रपूजा दंपत्योश्च विशेषतः
सर्वयज्ञाधिकफलं सर्वतीर्थावगाहनम्
तत्सर्वं जायते पुण्यं प्राणिनामस्य दर्शनात्
उद्यापनविधिश्चात्र नृभिर्द्विजपुरस्सरम्
गते वर्षद्वये सार्द्धे पंचपक्षे दिनद्वये
त्र्यधिके वा अशीत्यब्दे चतुर्मासयुते ततः उद्यापनं प्रकर्त्तव्यं तेन यात्रा प्रयत्नतः
यत्पुण्यं परमं प्रोक्तं सततं यज्ञयाजिनाम् तत्पुण्यं लभते विप्र सहस्राब्दस्य जीविभिः
सर्वसौख्यप्रदं तादृक्पुण्यव्रतमिहोच्यते
चतुर्दश्यां शुचिः स्नात्वा दन्तधावनपूर्वकम् पौर्णमास्यां तथा कृत्वा चंद्रपूजां च कारयेत् ।। 2.8.3.
पूर्वं च मातरः पूज्या गौर्यादिकक्रमेण च
प्रयतैः प्रतिमा कार्या चंद्रमंडलसन्निभा निजवित्तानुमानेन तदर्धेन तदर्द्धिकम्
ततः श्रद्धानुमानाद्वा कार्या वित्तानुमानतः
चंद्रपूजां ततः कुर्यादागमोक्तविधानतः
सोममंत्रेण होमस्तु कार्यो वित्तानुमानतः
सोमोत्पत्तिं सोमसूक्तं पाठयेच्च प्रयत्नतः
चंद्रन्यासं कलान्यासं कारयेन्मंडले जलम्
चंद्रबिंबनिभं कार्य्यं मंडलं शुभतंडुलैः
चतुरस्रेषु संपूर्णान्कलशान्स्थापयेद्बहिः
चंद्राय विधवे नित्यं नमः कुमुदबंधवे ।। 2.8.3.
सुधांशवे च सोमाय ओषधीशाय वै नमः
नमो नक्षत्रनाथाय शर्वरीपतये नमः
एवं षोडशभिश्चंद्रः स्तोतव्यो नामभिः क्रमात्
ततो वै प्रयतो दद्याद्विधिवन्मंत्रपूर्वकम्
नमस्ते मासमासांते जायमान पुनःपुनः
एवं संपूज्य विधिवच्छशिनं प्रणतो भवेत्
सवस्त्राच्छादनाः शांत्यै दातव्यास्ते द्विजन्मने