एकविंशतिसहस्रो लाडदेशः प्रकीर्तितः तथा चाश्वमुखं पार्थ दशसाहस्रमुच्यते॥ ३९.
सहस्रदशकं चापि एकपादः प्रकीर्तितः॥ ३९.
तथैव दशसाहस्रो देशः सूर्यमुखः स्मृतः ३९.
सहस्रदशकं चैव संजायुरिति देशकः सहस्राणि दश ख्यातं तथा कालहयंजयः॥ ३९.
लिंगोद्भवस्तथा देशः सहस्राणि दशैव च ३९.
षट्त्रिंशच्च सहस्राणि स्मृतौ चटविराटकौ ३९.
अष्टादश तथा कोट्यो रामको देश उच्यते ३९.
सपादलक्षग्रामाणां प्रत्येकं परिकीर्तितः ३९.
पुलस्त्यविषयश्चापि दशलक्षक उच्यते ३९.
ग्रामाणां च चतुर्लक्षो बाल्हिकः परिकीर्त्यते ३९.
चतुःषष्टिसहस्राणि कुरुदेशः प्रकीर्तितः ३९.
पंच प्राहुस्तथा लक्षान्विदर्भायां च ग्रामकान् ३९.
सहस्रदशकं चापि सिंहलद्वीपमुच्यते ३९.
लक्षैकं च तथा प्रोक्तं ग्रामाणां तु भयाणकम् ३९.
षष्टिसहस्राणि तथा ग्रामाणां पांगुदेशकः ३९.
पंचविंशतिसाहस्रं मूलस्थानं प्रकीर्तितम् ३९.
चत्वार्येव सहस्राणि पक्षबाहुरुदीर्यते ३९.
एवं भरतखंडेऽस्मिन्षण्णवत्येव कोटयः ३९.
षट्त्रिंशच्च सहस्राणि वेलाकूलानि भारत ३९.
आत्मीयमपि सा देवी अनिच्छुष्वपि तेषु च ३९.
भ्रातॄन्प्रति भगिनी च विचार्यैव ददौ शुभा ३९.
तदा तेषु च देशेषु चतुर्वर्गस्य साधनम् ३९.
तत्रापि गुप्तक्षेत्रं च वेदैतत्सा कुमारिका ३९.
तस्थौ स्नायंती षट्सु चैवापि संगमे ३९.
जीर्णे नव्यं स्वर्णमयं प्रासादं साप्यकारयत् ३९.
कुमारलिंगादुत्थाय प्रत्यक्षस्तामवोचत ३९.
जीर्णः पुनरुद्धृतोऽयं प्रासादस्तेन तोषितः ३९.
कर्ता चापि तथोद्धर्ता द्वौ वै समफलौ स्मृतौ ३९.
बर्करेशे च ये दत्त वरा दत्ताः सदैव ते ३९.
अभर्तृकाया नार्याश्च न स्वर्गो मोक्ष एव च ३९.