अर्पयेच्छोणनाथाय फलानि विविधानि यः
यः पौर्णमास्यां शोणाद्रिनाथाय विनिवेदयेत् 1.3.2.7.
कुह्वां च संगमे भक्त्या कंदमूलादि योऽर्पयेत्
अश्विन्यामरुणेशाय दद्याद्वासांसि भक्तिमान्
कृत्तिकासु प्रदीपांश्च रोहिण्यां रौप्यमर्पयेत्
पुनर्वसौ मृगमदं पुष्ये कर्पूरमर्पयेत्
तांबूलं पूर्वफाल्गुन्यां धूपमुत्तरफाल्गुने
स्वात्यां सुवासिनीवृंदं विशाखायां प्रकीर्णकम्
मूले मुक्तासरान्पूर्वाषाढे मुकुटमर्पयेत्
अष्टापदं धनिष्ठायां वासः शतभिषज्यपि
रेवत्यां च रथं हैमं प्रदद्याच्छोणशंभवे
पूज्यो राशिषु मेषादिष्वरुणेथो विशेषतः 1.3.2.7.
कुटजैर्नीपकुसुमैर्जीवंतीमल्लिकादिभिः
पंचामृतेन स्नपयन्नुभयोरुपरागयोः
स्नपनं पञ्चगव्येन द्वयोरयनयोरपि
प्रणवेनैव कुर्वीत क्षीरेण स्नपनक्रियाम्
प्राह्णे स्याद्रुद्रतुलसी मध्याह्ने कृतमालकम्
अद्धोदये च स्नपयेत्सहस्रकलशोदकैः
शिवरात्रौ विशेषेण त्रिशिखैर्बिल्वपत्रकैः
गीतवादित्रनृत्यैश्च दिव्यागमविधानतः
मासि पौषे च देवस्य कुर्यादाग्नेयमुत्सवम्
वैशाखे च विशाखायां शिवतंत्रानुसारतः 1.3.2.7.
प्राबोधिक मार्गशीर्षे प्रातर्निर्माय सामभिः
शनिप्रदोषेष्वार्द्रासु व्यतीपातेषु पर्वसु
दीक्षोपनयनोद्वाहपुत्रजन्मादिकेष्वपि
अपि स्वजन्मनक्षत्रे संपत्स्वापत्सु भीतिषु
व्रतिचक्रागमे पादबंधने नववैभवे
स्मरेदतिदवीयांश्चेत्पश्येत्पर्यंतगो यदि
किमन्यद्वद वत्सेति उद्धृत्य भुजमुच्यते
स्मरणेन मनःश्रोत्रे श्रवणाद्दर्शनादृशौः