स्पृहामतिर्धृतिर्बुद्धिर्मंथिर्ऋद्धिः सरस्वती २६.
धरणी धारणी वेला राज्ञी चापि च रोहिणी २६.
उद्वाहं देवदेवस्य जग्मुः सर्वा मुदान्विताः २६.
सागरा गिरयो मेघा मासाः संवत्सरास्तथा २६.
हुंकाराः प्रणवाश्चैव इतिहासाः सहस्रशः २६.
अनुजग्मुर्महादेवं कोटिशोऽर्बुदशश्च हि २६.
दशभिः केकराख्याश्च विद्युतोऽष्टाभिरेव च २६.
षड्भिः सर्वांतकः श्रीमांस्तथैव विकृताननः २६.
सप्तभिः समदः श्रीमान्दुंदुभोष्ठाभिरेव च २६.
कोटिकोटिभिरेवैकः कुंडकः कुंभकस्तथा २६.
पिप्पलश्च सहस्रेण सन्नादश्च तथा बली २६.
महाकेशः सहस्रेण नंदिर्द्वादशभिस्तथा २६.
अग्निकः शतकोट्या वै कोट्याग्निमुख एव च २६.
सन्नागश्च शतेनैव कुमुदः कोटिभिस्त्रिभिः २६.
काकपादस्तता षष्ट्या षष्ट्या संतानको गणः २६.
नीलो नवत्या सप्तत्या चतुर्वक्त्रश्च पूर्वपात् २६.
पंचाक्षः शतमन्युश्च मेघमन्युश्च विंशतिः २६.
विश्वरूपस्तालकेतुः पंचाशच्च सिताननः २६.
विषादो यमहा चैव गणो भृंगरिटिस्तथा २६.
एते चान्ये च गणपा असंख्याता महाबलाः २६.
चंद्रलेखावतंसाश्च नीलकंठास्त्रिलोचनाः २६.
अणिमादिगुणैर्युक्ताः शक्ताः शापप्रसादयोः २६.
पातालांबरभूमिस्थाः सर्वलोकनिवासिनः २६.
तंत्रीमादाय वाद्यांश्चाऽवादयञ्छंकरोत्सवे २६.
पुण्यान्वैवाहिकान्मंत्राञ्जेषुः संहृष्टमानसाः २६.
तथा यमुनया चापांपतिना धृतच्छत्रया २६.
महोत्सवेन देवेशो गिरिस्थानं विवेश सः २६.
वैडूर्यबद्धभूमिस्थं रत्नजैश्च गृहैर्युतम् २६.
ततो हिमाचलस्तत्र दृश्यते व्याकुलाकुलः २६.
ततो ब्रह्माणमचलो गुरुत्वे प्रार्थयत्तदा २६.