इति श्रुत्वा वचो देवः शीघ्रमित्येव चाब्रवीत् २६.
तत्रैक्षत महादेवः स्वरूपं स जगन्मयम् २६.
देवदेव महादेव त्रिपुरांतक शंकर २६.
महेश्वर यथा साक्षादपरस्त्वं महेश्वरः २६.
करमालंब्य विष्णोश्च वृषभं रुरुहेशनैः २६.
धनदो निदिभिर्युक्तः समीपस्थस्ततोऽभवत् २६.
देवदुंदुभिनादैश्च पुष्पासारैश्च गीतकैः २६.
सव्यदक्षिणसंस्थानौ ब्रह्मविष्णूतु जग्मतुः २६.
अथादितिर्दितिः सा च दनुः कद्रूः सुपर्णजा २६.
सिद्धिर्माया क्षमा दुर्गा देवी स्वाहा स्वधा सुधा २६.
स्पृहामतिर्धृतिर्बुद्धिर्मंथिर्ऋद्धिः सरस्वती २६.
धरणी धारणी वेला राज्ञी चापि च रोहिणी २६.
उद्वाहं देवदेवस्य जग्मुः सर्वा मुदान्विताः २६.
सागरा गिरयो मेघा मासाः संवत्सरास्तथा २६.
हुंकाराः प्रणवाश्चैव इतिहासाः सहस्रशः २६.
अनुजग्मुर्महादेवं कोटिशोऽर्बुदशश्च हि २६.
दशभिः केकराख्याश्च विद्युतोऽष्टाभिरेव च २६.
षड्भिः सर्वांतकः श्रीमांस्तथैव विकृताननः २६.
सप्तभिः समदः श्रीमान्दुंदुभोष्ठाभिरेव च २६.
कोटिकोटिभिरेवैकः कुंडकः कुंभकस्तथा २६.
पिप्पलश्च सहस्रेण सन्नादश्च तथा बली २६.
महाकेशः सहस्रेण नंदिर्द्वादशभिस्तथा २६.
अग्निकः शतकोट्या वै कोट्याग्निमुख एव च २६.
सन्नागश्च शतेनैव कुमुदः कोटिभिस्त्रिभिः २६.
काकपादस्तता षष्ट्या षष्ट्या संतानको गणः २६.
नीलो नवत्या सप्तत्या चतुर्वक्त्रश्च पूर्वपात् २६.
पंचाक्षः शतमन्युश्च मेघमन्युश्च विंशतिः २६.
विश्वरूपस्तालकेतुः पंचाशच्च सिताननः २६.
विषादो यमहा चैव गणो भृंगरिटिस्तथा २६.
एते चान्ये च गणपा असंख्याता महाबलाः २६.