जलभक्षा शतं चाभूच्छतं वै वायुभोजना २५.
निराहारा ततस्तापं प्रापुस्तत्तपसो जनाः २५.
हरस्तत्राययौ साक्षाद्ब्रह्मचारिवपुर्द्धरः २५.
सुलक्षणाषाढधरः सद्वृत्तः प्रति भानवान् २५.
वक्तुमिच्छुः शैलपुत्रीं सखीभिरिति चोदितः २५.
मुहूर्तपंचमात्रेण नियमोऽस्याः समाप्यते २५.
नानाविदा धर्मवार्ताः प्रकरिष्यसि ब्राह्मण २५.
अश्रुमुख्यो द्विजस्याग्रे निन्युः कालं च तं तदा २५.
विलोकनमिषेणागादाश्रमोपस्थितं ह्रदम् २५.
अहमत्र निमज्जामि कोऽपि मामुद्धरेत भोः २५.
आजग्मुस्त्वरया युक्ता ददुस्तस्मै करं च ताः २५.
नाहं स्पृशाम्यसंसिद्धां म्रिये वा नानृतं त्विदम् २५.
सव्यं करं ददावस्य तं चासौ नाभ्यनन्दत २५.
सदोषेण कृतं यच्च तदादद्यान्न कर्हिचित् २५.
इत्युक्ता पार्वती प्राह नाहं दत्तं च दक्षिणम् २५.
दक्षिणं मे करं देवो ग्रहीता भव एव च २५.
यद्येवमवलेपस्ते गमनं केन वार्यते २५.
रुद्रस्यापि वयं मान्याः कीदृशं ते तपो वद २५.
अवजा नासि विप्रांस्त्वं तच्छीघ्रं व्रज दर्शनात् २५.
ततो विचार्य बहुधा इति चेति च सा शुभा २५.
ततः सा दक्षिणं दत्त्वा करं तं प्रोज्जहार च एतत्सन्दर्शनार्थाय तथा चक्रे भवोद्भवः॥ २५.
प्रोद्धृत्य च ततः स्नात्वा बद्ध्व योगासनं स्थिता॥ २५.
ब्रह्मचारी ततः प्राह प्रहसन्किमिदं शुभे २५.
देवी प्राह ज्वालयिष्ये शरीरं योगवह्निना २५.
ब्रह्मचारी ततः प्राह काश्चिद्ब्राह्मणकाम्यया २५.
नोपहन्यां कदाचिद्वि साधुभिर्विप्रकामना २५.
देवी प्राह ब्रूहि विप्र मुहूर्तं संस्थिता त्वहम् २५.
किमर्थमिति रम्भोरु नवे वयसि दुश्चरम् २५.
दुर्लभं प्राप्य मानुष्यं गिरिराजगृहेऽधुना २५.
अतीव दूये वीक्ष्य त्वां सुकुमारतराकृतिम् २५.