हैमाचलाभे सितकर्णचामरे सुवर्णपद्मामलसुंदरस्रजि १६.
श्रितस्तदैरावणनामकुंजरे महाबलश्चित्रविशेषितांबरः १६.
सहस्रदृग्बंदिसहस्रसंस्तुतस्त्रिविष्टपेऽशोभत पाकशासनः॥ १६.
ततस्तयोः समायोगः सेनयोरुभयोरभूत् १७.
सुरासुराणां संमर्दे तस्मिन्परमदारुणे १७.
गर्जतां देवदैत्यानां शंखभेरीरवेण च १७.
हेषितैर्हयवृंदानां रथनेमिस्वनेन च १७.
रोषेणाबिपरीतांगास्त्यक्तजीवितचेतसः १७.
रथा रथैः समासक्ता गजाश्चापि महागजैः १७.
ततः प्रासाशनिगदाभिंडिपालपरश्वधैः १७.
चक्रैश्च शक्तिभिश्चैव तोमरैरंकुशैरपि १७.
भल्लैर्वेतसपत्रैश्च शुकतुंडैश्च निर्मलैः १७.
संप्रच्छाद्य दिशः सर्वास्तमोमयमिवाभवत् १७.
अदृश्यभूतास्तमसि न्यकृंतंत परस्परम् १७.
गजैस्तुरंगैः पादातैः पतद्भिः पतितैरपि १७.
भग्नदंता भिन्नकुंभाश्छिन्नदीर्घमहाकराः १७.
भग्नैषाश्च रथाः पेतुर्भग्नाक्षाः शकलीकृताः १७.
ततः शोणितनद्यश्च हर्षदाः पिशिताशिनाम् १७.
तस्मिंस्तथाविधे युद्धे सेनानीर्ग्रसनोऽरिहा १७.
ततो ग्रसनमालोक्य यमः क्रोधविमूर्छितः १७.
स विद्धो बहुभिर्षाणैर्ग्रसनोऽतिपराक्रमः १७.
शरैः सहस्रैश्च पञ्चलक्षैश्चैव व्यताडयत् १७.
बाणवृष्टिभिरुग्राभिर्यमो ग्रसनमर्दयत् चिच्छेद शरवर्षेण ग्रसनो दानवेश्वरः॥ १७.
विफलां तां समालोक्य यमः स्वशरसंततिम्॥ १७.
प्राहिणोन्मुद्गरं दीप्तं ग्रसनस्य रथं प्रति १७.
जग्राह वामहस्तेन लीलया ग्रसनोऽरिहा १७.
ताडयामास वेगेन स पपात महीतले १७.
प्रासेन ताडयामास ग्रसनं वदने दृढम् १७.
ग्रसनं पतित दृष्ट्वा जंभो भीमपराक्रमः १७.
यमस्तेन प्रहारेण सुस्राव रुधिरं मुखात् १७.