गौडं कामस्तथा लिंगं रतिदं चेति नाम च १३.
विश्वकर्मा च प्रासादलिंगं याम्येति नाम च वंशांकुरोत्थं सगरो नाम संगतमेव च॥ १३.
राहुश्च रामठं लिंगं नाम गम्येति कीर्तयन् १३.
योगिनः सर्वभूतस्थं स्थाणुरित्येव नाम च १३.
तेजोमयं च ऋक्षाणि भगं नाम च भास्वरम् १३.
देवदेवेति नामास्ति लिंगं च ब्रह्मराक्षसाः १३.
सप्तलोकमयं साध्या बहूरूपेति नाम च १३.
कौंकुममप्सरसो लिंगं नाम शंभोः प्रियेति च १३.
ब्रह्मचारि गुरुर्लिंगं नाम चोष्णीषिणं विदुः १३.
श्रीखंडं सिद्धयोगिन्यः सहस्राक्षेति नाम च १३.
अप्यन्नजं च मनवो गिरिशेति च नाम च १३.
यवजं देवलो लिंगं पतिमित्येव नाम च १३.
प्रतर्दनो बाणलिंगं हिरण्यभुजनाम च १३.
निष्पावजं दानवाश्च लिंगनाम च दिक्पतिम् १३.
राजमाषमयं यक्षा नाम भूतपतिं स्मृतम् १३.
गौतमो गोरजमयं नाम गोपतिरेव च १३.
स्कंदः पाषाणलिंगं च नाम सेनान्य एव च १३.
पुरोडाशमयं यज्वा स्रुवहस्तेति नाम च १३.
यवांकुरं जामदग्न्यो भर्गदैत्येति नाम च १३.
मांधाता शर्करालिंगं नाम बाहुयुगेति च १३.
साध्या भर्तृमयं लिंगं नाम विश्वपतिः स्मृतम् १३.
तार्क्ष्यं पृथुस्तथा लिंगं सहस्रचरणाभिधम् १३.
पृथिवी मेरुलिंगं च द्वितनुश्चास्य नाम च १३.
ऋषयो ज्ञानलिंगं च चिरस्थानेति नाम च १३.
गोरोचनमयं शेषो नाम पशुपतिः स्मृतम् १३.
तक्षकः कालकूटाख्यं बहुरूपेति नाम च १३.
श्रृंगी विषमयं पद्मो नाम धूर्जटिरेव च १३.
पारदं च शिवा देवी नाम त्र्यम्बक एव च १३.
एवं किं बहुनोक्तेन यद्यत्सत्त्वं विभूतिमत् १३.
भस्मनो यदि वृक्षत्वं ज्ञायते नीरसेवनात् १३.