पुनः पातो यतः पुंसस्तस्मात्स्वर्गं न कामये १०.
चतुर्मुखेन वैलक्ष्यं गतोऽस्मि कथमेमि तम् १०.
अप्राक्षीद्भूपतिः कूर्मं तदायुःकारणं तदा १०.
सुहृन्मित्रं गुरुस्त्वं मे येन कीर्तिर्ममोद्धृता॥ १०.
श्रृणु भूप कथां दिव्यां श्रवणात्पापनाशिनीम् १०.
श्रृण्वन्निमामपि कथां नृपते मनुष्यः सुश्रद्धया भवति पापविमुक्तदेहः १०.
शांडिल्य इति विख्यातः पुराहमभवं द्विजः ११.
पुरा प्रावृषि पांशूत्थं शिवायतनमुच्छ्रितम् ११.
पंचायतनविन्यासमनोहरतरं नृप ११.
पीतमृत्स्वर्णकलशं ध्वजमालाविभूषितम् ११.
दृढप्रांशुसमुद्भूतसोपानश्रेणिभासुरम् ११.
तत्र जागेश्वरं लिंगं गृत्वाथ विनिवेशितम् ११.
बकपुष्पैस्तथान्यैश्च केदारोत्थैः समाहृतैः ११.
कूष्मांडैश्चैव वर्णाद्यैरुन्मत्तकुसुमायुतैः ११.
पूजा विरचिता रम्या शंभोरिति मया नृप ११.
शिवस्य पुरतो बाल्याद्गीतं च स्वस्वर्जितम् ११.
ततो मृतोऽहं जातश्च विप्रो जातिस्मरो नृप ११.
शिवदीक्षामुपागम्यानुगृहीतः शिवागमैः ११.
कल्पकोटिं वसेत्स्वर्गेयः करोति शिवालयम् ११.
भवंति तावद्वर्षाणि करकः शिवसद्मनि ११.
अकारिषमहं रम्यं विश्वकर्मविधानतः ११.
कृतमायतनं दद्यात्क्रमाद्दशगुणं फलम् ११.
जटाधरस्तपस्यंश्च शिवाराधनतत्परः ११.
जातो जाति स्मरस्तत्र कारिता तृतीयेहं भवांतरे ११.
जयदत्त इति ख्यातः सूर्यवंशसमुद्भवः ११.
तस्मिन्भवांतरे शंभोराराधनपरेण च ११.
सौवर्णै राजतै रत्ननिर्मितैः कुसुमैर्नृप ११.
केवलं शिवलिंगानां पूजां पुष्पैः करोम्यहम् ११.
अजरामरतां राजंस्तेनैव वपुषावृतः ११.
विचरामि महीमेतां मदांध इव वारणः ११.