भवंति संतस्तद्गृध्रो मा भवेयं प्रसीद मे ९.
प्रसन्नः प्राह नो मिथ्या मम वाक्यं भवेत्क्वचित् ९.
यदा यास्यसि शापस्य तदा मुक्तिमवाप्स्यसि॥ ९.
इत्युक्त्वा स मुनिः प्रायाद्गृहीत्वा निजकन्यकाम् ९.
एवं तदा दमनकोत्सव ईश्वरस्य आंदोलनेन नृपवेश्मनि मेऽवतारः ९.
गृध्रस्यैतद्वचः श्रुत्वा दुःखविस्मयसंयुतः १०.
ततस्तमालोक्य तथा मुमूर्षुं कौशिकादिभिः १०.
मैवं कार्षीः श्रुणु गिरं भद्रक त्वं चिरंतनः १०.
मानसे सरसि ख्यातः कूर्मोमंथरकाख्यया १०.
ततः प्रतीतास्ते भूपमुनिगृध्रबकास्तथा १०.
सरस्तीरे स्थितः कूर्मस्तान्निरीक्ष्य विदूरगान् १०.
कौशिकोऽथ तमाहेदं प्रहस्य वचनं स्वयम् १०.
अग्निर्द्विजानां विप्रश्च वर्णानां रमणः स्त्रियाम् १०.
विहाय तमिमं धर्ममातिथ्यविमुखः कथम् १०.
चिरंतनो हि जानामि कर्त्तुमातिथ्यसत्क्रियाम् १०.
सुमहत्कारणं चात्र श्रूयतां तद्वदामि वः १०.
अभ्यागतस्य कस्यापि सर्वसत्कारसद्व्रती १०.
इंद्रद्युम्नो महीपालो बिभोम्यस्मादलंतराम् १०.
यज्ञपावकदग्धा मे पृष्ठिर्नाद्यापि निर्व्रणा १०.
आसुतीवलमाधाय भुवि धक्ष्यति संप्रति १०.
पपात पुष्पवृष्टिः खाद्विमुक्ताप्सरसां गणैः १०.
विस्मितास्ते च ददृशुर्विमानं पुरतः स्थितम् १०.
अयातयामाः प्रददुराशिषोऽस्मै सुरद्विजाः १०.
ततो विमानमालंब्य देवदूतस्तमुच्चकैः १०.
नवीकृताधुना कीर्तिस्तव भूपाल निर्मला १०.
गम्यतां ब्रह्मणो लोकमाकल्पं तपसोर्जितम् १०.
यावत्कीर्तिर्मनुष्यस्य पृथिव्यां प्रथिता भवेत् १०.
सुरालयसरोवापीकूपारामादिकल्पना १०.
अमी ममैव सुहृदो मार्कंडबककौशिकाः १०.
तच्चेदमी मया साकं ब्रह्मलोकं प्रयांत्युत १०.