पित्रोक्तः कुपितेनाथ जहीमां जननीमिति ६.
विमृश्य चिरकारित्वाच्चिं तयामास वै चिरम् ६.
कथं धर्मच्छलेनास्मिन्निमज्जेयमसाधुवत् ६.
अस्वतंत्रं च पुत्रत्वं किं तु मां नात्र पीडयेत् ६.
पितरं चाप्यवज्ञाय कः प्रतिष्ठामवाप्नुयात् ६.
क्षमायोग्यावुभावेतौ नातिवर्तेत वै कथम् ६.
शीलचारित्रगोत्रस्य धारणार्थं कुलस्य च ६.
जातकर्मणि यत्प्राह पिता यच्चोपकर्मणि ६.
शरीरादीनि देयानि पिता त्वेकः प्रयच्चति ६.
पातकान्यपि चूर्यंते पितुर्वचनकारिणः ६.
पितरि प्रीतिमापन्ने सर्वाः प्रीणंति देवताः ६.
निष्कृतिः सर्वपापानां पिता यदभिनंदति ६.
क्लिश्यन्नपि सुतः स्नेहं पिता स्नेहं न मुंचति ६.
पिता नाल्पतरं स्थानं चिंतयिष्यामि मातरम् ६.
अस्य मे जननी हेतुः पावकस्य यथारणिः ६.
मातृलाभे सनाथत्वमनाथत्वं विपर्यये ६.
श्रिया हीनोऽपि यो गेहे अंबेति प्रतिपद्यते ६.
अपि वर्षशतस्यांते स द्विहायनवच्चरेत् ६.
रक्षयेच्च सुतं माता नान्यः पोष्यविधानतः ६.
तदा शुन्यं जगत्तस्य यदा मात्रा वियुज्यते ६.
नास्ति मातृसमं त्राणं नास्ति मातृसमा प्रपा ६.
अंगानां वर्धनादंबा वीरसूत्वे च वीरसूः ६.
देवतानां समावापमेकत्वं पितरं विदुः मर्त्यानां देवतानां च पूगो नात्येति मातरम्॥ ६.
पतिता गुरवस्त्याज्या माता च न कथंचन ६.
एवं स कौशिकीतीरे बलिं राजानमीक्षतीम् ६.
विमृश्य चिरकालं हि चिंतांतं नाभ्यपद्यत ६.
गायन्गाखामुपायातः पितुस्तस्याश्रमांतिके ६.
अतस्ताभ्यः फलं ग्राह्यं न स्याद्दोषेक्षणः सुधीः ६.
दुःखितश्चिंतयन्प्राप्तो भृशमश्रूणि वर्तयन् ६.
हत्वा नारीं च साध्वीं च को नु मां तारयिष्यति ६.