यन्मां सरस्वती प्राह सारं वक्ष्यामि तच्छृणु वारांगनानेत्रभंगस्वद्वद्भंगुरमेव तत्॥ २.
धनायुर्यौवनं भोगाञ्जलचंद्रवदस्थिरान् २.
दानवान्पुरुषः पापं नालं कर्तुमिति श्रुतिः २.
सावर्णिना च गाथे द्वे कीर्तिते श्रृणु ये पुरा २.
पूज्यते स महादेवः स धर्मः पर उच्यते २.
क्रोधपंके मदग्राहे लोभबुद्बदसंकटे २.
मज्जंतं तारयत्येको हरः संसारसागरात् २.
परोपकरणं कायादसारात्सारमुद्धरेत् २.
इंद्रियार्थेषु वैराग्यं संप्राप्तं जन्मनः फलम् २.
न कुर्यादात्मनः श्रेयस्तेनात्मा वंचतश्चिरम् २.
तत्संप्राप्य तथा कुर्यान्न गच्छेन्नरकं यथा २.
यदि लाभे न यत्नस्ते मूलं रक्ष प्रयत्नतः २.
गंतुं दुःखोदधेः पारं तर यावन्न भिद्यते २.
नापक्रामति संसारादात्महा स नराधमः दानानि चात्र दीयंते परलोकार्थमादरात्॥ २.
दानस्य तपसो वापि भगवन्किं च दुष्करम् २.
न दानाद्दुष्करतरं पृथिव्यामस्ति किंचन २.
परित्यज्य प्रियान्प्राणान्धनार्थे हि महाभयम् २.
सेवामन्ये प्रपद्यंते श्ववृत्तिरिति या स्मृता २.
तस्य दुःखार्जितस्येह प्राणेभ्योपि गरीयसः २.
यद्ददाति यदश्नाति तदेव धनिनो धनम् २.
अहन्यहनि याचंतमहं मन्ये गुरुं यथा २.
दीयमानं हि नापैति भूय एवाभिवर्धते २.
एकजन्मसुखस्यार्थे सहस्राणि विलापयेत् २.
मूर्खो हि न ददात्यर्थानिह दारिद्र्यशंकया २.
किं धनेन करिष्यंति देहिनो भंगुराश्रयाः २.
अक्षरद्वयमभ्यस्तं नास्तिनास्तीति यत्पुरा २.
बोधयंति च यावंतो देहीति कृपणं जनाः २.
दातुरेवोपकाराय वदत्यर्थीति देहि मे २.
दरिद्रा व्याधिता मूर्खाः परप्रेष्यकराः सदा २.
धनवंतमदातारं दरिद्रं वाऽतपस्विनम् २.