प्रासंगिकतया माघे कृतं लिंगार्चनं त्वया शिवरात्र्यां प्रसंगेन कृतमर्चनमेव च॥ ३३.
कोलं निरीक्षमाणेन बिल्वपत्राणि चैव हि लिंगस्य मस्तके तानि तेन त्वं सुकृती प्रभो॥ ३३.
ततश्च जागरो जातो महान्वृक्षोपरि ध्रुवम् ३३.
छलेनैव महाभाग कोलसंदर्शनेन हि ३३.
तेनोपवासेन च जागरेण तुष्टो ह्यसौ देववरो महात्मा ३३.
एवमुक्तस्तदा तेन वीरभद्रेण धीमता ३३.
गणानां देवतानां च सर्वेषां प्राणिनामपि ३३.
वीणावेणुमृदंगानि तस्य चाग्रे गतानि च ३३.
विद्याधरगणाः सर्वे तुष्टुवुः सिद्धचारणाः महोत्सवेन महता आनीतो गंधमादनम्॥ ३३.
शिवसान्निध्यमागच्चंडोसौ तेन कर्मणा ३३.
पुष्कसोऽपि तथा प्राप्तः प्रसंगेन सदाशिवम् ३३.
पुष्पादिकं फलं गंधं तांबूलं भक्ष्यमृद्धिमत् ३३.
चंडेन वै पुष्कसेन सफलं तस्य चाभवत् ३३.
किं फलं तस्य चोद्देशः केन चैव पुना कृतम् ३३.
यदा सृष्टं जगत्सर्वं ब्रह्मणा परमेष्ठिना ३३.
द्वादश राशयस्तत्र नक्षत्राणि तथैव च ३३.
एभिः सर्वं प्रचंडं च राशिभिरुडुभिस्तथा ३३.
आब्रह्मस्तंबपर्यंतं सृजत्य वति हंति च ३३.
कालो हि बलवाँल्लोके एक एव न चापरः ३३.
आदौ कालः कालनाच्च लोकनायकनायकः ३३.
सृष्टेर्लवो हि संजातो लवाच्च क्षणमेव च ३३.
निमिषाणां च षष्ट्या वै फल इत्यभिधीयते ३३.
पक्षाभ्यां मास एव स्यान्मासा द्वादश वत्सरः ३३.
प्रतिपद्दिनमारभ्य पौर्णमास्यंतमेव च ३३.
पूर्णचंद्रमसी या तु सा पूर्णा देवताप्रिया ३३.
अग्निष्वात्तादिपितॄणां प्रियातीव बभूव ह तेषां मध्ये विशेषो यस्तं श्रृणुध्वं द्विजोत्तमाः॥ ३३.
योगानां वा व्यतीपात ऊडूनां श्रवणस्तथा ३३.
संक्रांतयस्तथाज्ञेयाः पवित्रा दानकर्मणि ३३.
पञ्चमी नागराजस्य कुमारस्य च षष्ठिका ३३.
ब्रह्मणो दशमी ज्ञेया रुद्रस्यैकादशी तथा ३३.