इंद्रं पुरोधसा सार्द्धमिंद्राण्या सहितं विभुम् २६.
तथैव पूजिता चंडी भूतप्रमथगुह्यकैः ये चान्य आगतास्तत्र ते च सर्वे प्रपूजिताः॥ २६.
एवं तदानीं प्रतिपूजिताश्च देवाश्च सर्वे ऋषयश्च यक्षाः २६.
तथैव विष्णुना सर्वे पर्वताश्च प्रपूजिताः २७.
माल्यवान्मलयश्चैव महेंद्रो मंदरस्तथा २७.
श्वेतः कृतः श्वेतगिरिर्निलाद्रिश्च तथैव च २७.
मानसाद्रिस्तथा शैलः कैलासः पर्वतोत्तमः २७.
एवं ते पर्वतश्रेष्ठाः पूजिताः सर्व एव हि २७.
विष्णुना ब्रह्मणा सार्द्धं कृतं सर्वं यथोचितम् २७.
हिमाद्रिणा बंधुभिश्च पर्वतं गंधमादनम् २७.
प्रमथाश्च तथा सर्वे तथा चंडीगणाः परे २७.
शिवस्योद्वहनं विप्राः शिवेन परिभाविताः २७.
पार्वतीसहितः शंभुः शंभुना सह पार्वती २७.
तथा प्रकृतिपुंसौ च ऐकपद्येन नान्यथा २७.
विमास्थस्तदा ब्रह्मा विष्णुश्च गरुडोपरि २७.
पाशी च मकरा रूढो यमो महिषमेव च २७.
मृगारूढोऽथ पवन ईशो वृषभमेव च २७.
स्वैः स्वैर्बलैः परिक्रांतास्तथान्ये प्रमथादयः २७.
सह्याचलो नीलगिरिर्मंदरो मलयाचलः २७.
एते चान्ये च गिरयः क्षीमंतो हि महाप्रभाः २७.
बलिनो रूपिणः सर्वे मेर्वाद्यास्तत्र पर्वताः २७.
नंदिना ह्युपविष्टास्ते मेर्वाद्यास्तत्र पर्वताः सर्वैस्तैर्बंधुभिः सार्द्धं पुनरागमनं कृतम्॥ २७.
स्वकालयस्थो हिमवान्स रेजे हि महा यशा विख्यातो हि महाशैलस्त्रिषु लोकेषु विश्रुतः॥ २७.
कन्यादानेन महता तुष्टो यस्य च शंकरः २७.
द्व्यक्षरं नाम येषां च जिह्वाग्रे संस्थितं सदा ते वै मनुष्यरूपेण रुद्रा एव न संशयः॥ २७.
किंचिद्दानेन संतुष्टः पत्रेणापि तथैव च २७.
पत्रेण पुष्पेण तथा जलेन प्रीतो भवत्येष सदाशिवो हि २७.
एको महाञ्ज्योतिरजः परेशः परापराणां परमो महात्मा २७.
निरंजनो नित्यरूपो निरोधो नित्यानन्दो नित्यमुक्ताः सदेव स्तुतो ध्यातः पूजितश्चिंतितश्च सर्वज्ञोऽसौ सर्वदा सर्वदश्च॥ २७.
यथा वरिष्ठो हिमवान्प्रसिद्धः सर्वैर्गुणैः सर्वगुणो महात्मा २७.