गजाः स्वलंकृता ह्यासन्कृत्रिमा ह्यकृतोपमाः २४.
रथा रथियुता ह्यासन्कृत्रिमा ह्यकृतोपमाः २४.
महाद्वारि स्थितो नंदी कृतस्तेन हि मंडपे २४.
तस्योपरि महद्दिव्यं पुष्पकं रत्नभूषितम् २४.
वामपार्श्वे गजौ द्वौ च शुद्धकाश्मीरसन्निभौ २४.
तथैव दक्षिणे पार्श्वे द्वावश्वौ दंशितौ कृतौ २४.
षोडशप्रकृतीस्तेन याथातथ्येन धीमता २४.
तथैव ऋषयः सर्वे भृग्वाद्यश्च तपोधनाः २४.
कृताः सर्वे महात्मानो याथातथ्येन धीमता २४.
अनेकाश्चर्यसंभूतो दिव्यो दिव्यविमोहनः २४.
ब्रह्मणा नोदितस्तत्र हिमालयगृहं प्रति २४.
भ्रांतो हि नारदस्तेन कृत्रिमेण महायशाः २४.
प्रविष्टो मंडपं तस्य हिमाद्रे रत्नचित्रितम् २४.
सहस्रस्तम्भसंयुक्तं ततोऽद्रिः स्वगणैर्वृतः २४.
आगतास्ते महात्मानो देवा इन्द्रपुरोगमाः महादेवो वृषारूढो ह्यागतोद्वहनं प्रति॥ २४.
ततस्तद्वचनं श्रुत्वा हिमवान्गिरिसत्तमः २४.
पूजयित्वा यथान्यायं गच्छ त्वं शंकरं प्रति॥ २४.
ततस्तद्वचनं श्रुत्वा मुनिर्हिमवतो गिरेः मेनाकेन च सह्येन मेरुणा गिरिणा सह॥ २४.
एभिः समेतो ह्यधुनामहामते यतस्व शीघ्रं शिवमत्र चानय २४.
तथेति मत्वा स जगाम तूर्णां सहै व तैः पर्वतराजभिश्च २४.
तावद्दृष्टो महादेवो देवैश्च परिवारितः २४.
पप्रचछुर्नारदं सर्वे येऽन्ये रुद्रचरा भृशम् २४.
एकैकस्यात्मजाः स्वाः स्वाः सह्यमैनाकमेरवः २४.
ततोऽवोचन्महातेजा नारदश्चर्षिसत्तमः २४.
एकांतमाश्रित्य तदा सुरेन्द्रं स नारदो वाक्यमिदं बभाषे २४.
पुरा कृतं तस्य महात्मनस्त्वया किं विस्मृतं तत्सकलं शचीपते २४.
अहो विमोहितस्तेन प्रतिरूपेण भास्वता २४.
ब्रह्मा चैव तथाभूतस्तं चैव कृतवानसौ॥ २४.
मायामयो वृषभस्तेन वेषात्कृतो हि नागोश्वतरस्तथैव २४.
तच्छ्रुत्वा वचनं तस्य देवेंद्रो वाक्यमब्रवीत्॥ २४.