तथैव देवासुरयक्षदानवा नागाः पतंगाप्सरसो महर्षयः २३.
गच्छगच्छ महादेव अस्माभिः सहितः प्रभो २३.
गृह्योक्तविधिना शंभो कर्म कर्तुमिहार्हसि॥ २३.
नांदीमुखं मण्डपस्थापनं च तथा चैतत्कुरु धर्मेण युक्तम् २३.
मण्डपस्थापनं चैव क्रियतां ह्यधुना विभो २३.
ब्रह्मादिभिः कृतं तेन सर्वमभ्युदयोचितम् २३.
तथात्रिश्च वशिष्ठश्च गौतमोथ गुरुर्भृगुः २३.
मार्कंडेयः शिलावाकः शून्यपालोऽक्षतश्रमः २३.
एते चान्ये च बहवो ह्यागताः शिवसन्निधौ २३.
वेदोक्तविधिना सर्वे वेदवेदांगपारगाः २३.
ऋग्यजुःसामसहितैः सूक्तैर्नानाविधैस्तथा २३.
अभ्यंजनादिकं सर्वं चक्रुस्तस्य परात्मनः २३.
अनेकैर्मौक्तिकैर्युक्ता मुण्डमालाऽभवत्तदा बभूवुर्मडनान्येव जातरूपमयानि च॥ २३.
सर्वभूषणसंपन्नो देवदेवो महेश्वरः २३.
चंडिका वरभगिनी तदा जाता भयावहा २३.
हैमं कलशमादाय पूर्णं मूर्ध्ना महाप्रभा २३.
तत्र भूतान्यनेकानि विरूपाणि सहस्रशः २३.
तस्याः सर्वे पृष्ठतश्च गणाः परमदारुणाः २३.
तदा डमरुनिर्घोषव्याप्तमासीज्जगत्त्रयम् २३.
तथा दुंदुभिनिर्घोषैः शब्दः कोलाहलोऽभवत् अन्वयुः सर्वसिद्धाश्च लोकपालैः समन्विताः॥ २३.
मध्ये व्रजन्महेंद्रोऽथ ऐरावतमुपास्थितः २३.
चामरैर्वीज्यमानोऽसौ सुरैर्बहुभिरावृतः २३.
भरद्वाजादयो विप्राः शिवस्योद्वहनं प्रति २३.
भूतप्रेतपिशाचाश्च तथान्ये प्रमथादयः २३.
क्व गता साऽधुना चंडी धावमानास्तदा भृशम् २३.
अथ प्रोचुस्तदा सर्वे चंडीं भैरवसंयुताम् २३.
प्रहस्योवाच सा चंडी भूतानां तत्र श्रृण्वताम् २३.
हैमं कलशमादाय शिरसा बिभ्रती स्वयम् २३.
भूतैः परिवृता सर्वैः सर्वेषामग्रतोऽव्रजत् २३.
इंद्रादयो लोकपाला ऋषयस्तेऽग्रपृष्ठतः २३.