तथा ऋषिगणांश्चैव यक्षगन्धर्वपन्नगान् २३.
एतांश्चान्यांश्च सुबहूनानयस्वेति सत्वरम् २३.
उवाच नारदं देवो विष्णुमानय सत्वरम् २३.
शंभोर्वचनमादाय शिरसा लोकपावनः २३.
ददर्श देवं परमासने स्थितं श्रिया च देव्या परिसेव्यमानम् २३.
महार्हरत्नावृतचारुकुण्डलं महाकिरीटोत्तमरत्नभास्वतम् २३.
उवाच नारदोऽभ्येत्य शंभोर्वाक्यमथादरात् २३.
एह्येहि त्वं महाविष्णो महादेवं त्वरान्वितः २३.
प्रहस्य भगवान्प्राह नारदं प्रति वै तदा विज्ञातार्थोऽपि भगवान्नारदं परिपृष्टवान्॥ २३.
तपसा महता रुद्रः पार्वत्या परितोषितः २३.
दासोऽहमवदच्छंभुः पार्वत्या परितोषितः २३.
त्वरितेनावदच्छंभुस्त्वामाह्वयति संप्रति नारदेन समायुक्तः पार्षदैः परिवारितः॥ २३.
सुपर्णमारुह्य तदा महात्मा योगीश्वराणां प्रभुरच्युतो महान् २३.
तं दृष्ट्वा त्वरितं देवो योगिध्येयांघ्रिपंकजः २३.
तदा हरिहरौ देवावैकपद्येन तिष्ठतः २३.
गिरिजातपसा विष्णो जितोऽहं नात्र संशयः २३.
यथार्थेन च भो विष्णो कथयामि तवाग्रतः २३.
न च संकल्पविधिना मया पाणिग्रहः कृतः २३.
यत्कार्यं तन्न जानामि सर्वं पाणिग्रहोचितम् २३.
यावद्वक्तुं समारेभे तावद्ब्रह्मा समागतः २३.
तथैव देवासुरयक्षदानवा नागाः पतंगाप्सरसो महर्षयः २३.
गच्छगच्छ महादेव अस्माभिः सहितः प्रभो २३.
गृह्योक्तविधिना शंभो कर्म कर्तुमिहार्हसि॥ २३.
नांदीमुखं मण्डपस्थापनं च तथा चैतत्कुरु धर्मेण युक्तम् २३.
मण्डपस्थापनं चैव क्रियतां ह्यधुना विभो २३.
ब्रह्मादिभिः कृतं तेन सर्वमभ्युदयोचितम् २३.
तथात्रिश्च वशिष्ठश्च गौतमोथ गुरुर्भृगुः २३.
मार्कंडेयः शिलावाकः शून्यपालोऽक्षतश्रमः २३.
एते चान्ये च बहवो ह्यागताः शिवसन्निधौ २३.
वेदोक्तविधिना सर्वे वेदवेदांगपारगाः २३.