वेदिकोपरि विन्यस्तां यथैव शशिनः कलाम् २२.
ब्रह्मचारिस्वरूपेण महेशो भगवान्भवः किमर्थमालिमध्यस्था तन्वी सर्वांगसुन्दरी॥ २२.
केयं कस्य कुतो याता किमर्थं तप्यते तपः २२.
तदोवाच जया रुद्रं तपसः कारणं परम्॥ २२.
हिमाद्रेर्दुहितेयं वै तपसा रुद्रमीश्वरम् २२.
तपस्तताप सुमहत्सर्वेषां दुरतिक्रमम् २२.
तच्छ्रुत्वा वचनं तस्याः प्रहस्येदमुवाच ह २२.
मूढेयं पार्वती सख्यो न जानाति हिताहितम् २२.
सोऽमंगलः कपाली च श्मशानालय एव च २२.
अनया हि वृतो रुद्रो यदा सख्यः समेष्यति २२.
यो दक्षशापाद्विकृतो यज्ञबाह्योऽभवद्विटा २२.
शवभस्मान्वितो रुद्रः कृत्तिवासा ह्यमंगलः २२.
तेन रुद्रेण किं कार्यमनया सुकुमारया २२.
इंद्रं हित्वा मनोज्ञं च यमं चैव महाप्रभम् २२.
कुबेरं पवनं चैव तथैव च विभावसुम् सखीनां श्रृण्वतीनां च यत्र सा तपसि स्थिता॥ २२.
इत्याकर्ण्य वचस्तस्य रुद्रस्य बटुरूपिणः २२.
जये त्वं विजये साध्वि प्रम्लोचेऽप्यथ सुन्दरि २२.
किमेतस्य बटोः कार्यं भवतीनामिहाधुना २२.
अयं विसृज्यतां सख्यः किमनेन प्रयोजनम् २२.
बटो गच्छाशु त्वरितो न स्थेयं च त्वयाऽधुना २२.
बटुर्निर्भर्त्सितस्तत्र तया चैवं तदा पुनः २२.
शनैः शनैरवितथं विजयां प्रति सत्वरम् २२.
सर्वेषामपि तद्वाच्यं वचनं सूक्तमेव यत् २२.
यः शंभुरुच्यते लोके भिक्षुको भिक्षुकप्रियः २२.
इयं तावत्सुरूपा च विरूपोऽसौ सदाशिवः २२.
एवंभूतेन रुद्रेण मोहितेयं कथं भवेत् २२.
इयं कथं मोहितास्ति निर्गुणेन युगात्मिका २२.
सकामानां च भूतानां दुर्लभो हि सदाशिवः २२.
निःस्तंभो हि सदा स्थाणुः कथं प्राप्स्यति तं पतिम् २२.
यावद्रोषो भवेन्नॄणां नारीणां च विशेषतः २२.