गुरोर्वचनमाज्ञाय दैत्येंद्रो वाक्यमब्रवीत् स्वर्गे वसंतु सुचिरं नात्र कार्या विचारणा॥ १८.
प्रहस्यो वाच भगवान्भार्गवाणां महातपाः १८.
यत्त्वयोक्तं च वचनं बले मम न रोचते १८.
अश्वमेधशतेनैव यज त्वं जातवेदसम् १८.
तथेति मत्वा स बलिर्महात्मा हित्वा तदानीं त्रिदिवं मनस्वी १८.
तन्नर्मदाया गुरुकुल्यसंज्ञकं तीरे महातीर्थमुदारशोभम् १८.
ततोऽश्वमेधैर्बहुभिर्विचक्षणो गुरुप्रयुक्तः स महायशाबलिः १८.
कृत्वा ब्राह्मणमाचार्यमृत्विजः षोडशाऽभवन् १८.
यज्ञानामूनमेकेन शतं दीक्षापरेण हि १८.
यावद्यज्ञशतं पूर्णं तस्य राज्ञो भविष्यति १८.
व्रतेन तेन संतुष्टो भगवान्हरिरीश्वरः १८.
अदित्याः कश्यपेनैव उपनीतस्तदा प्रभुः १८.
दत्तं यज्ञोपवीतं च ब्रह्मणा परमेष्ठिना १८.
मेखला च समानीता अजिनं च महाद्भुतम् १८.
तत्र भिक्षा समानीता भवान्या चार्थसिद्धये १८.
अभिवंद्य श्रीशो वामनो ह्दितिं तथा याज्ञिकस्य बलेराह च्छलनार्थं स्वयं प्रभुः॥ १८.
तदा महेशः स जगाम स्वर्गं प्रकंपयन्गां प्रपदा भरेण १८.
गीर्भिर्यथार्थाभिरभिष्टुतो जनैर्मुनीश्वरैर्देवगणैर्महात्मा १८.
उद्गापयन्साम यतो हि साक्षाच्चकार देवो बटुरूपवेषः १८.
ददर्श तं महायज्ञमश्वमेधं बलेस्तदा १८.
ब्रह्मरूपेण महता व्याप्तमासीद्दिगंतरम् १८.
तच्छ्रुत्वा च बलिः प्राह शंडामर्क्कौ च बुद्धिमान् १८.
तथेति मत्वा त्वरितावुत्थितौ तौ तदा द्विजाः १८.
ददृशाते महात्मानं श्रीहरिं बटुरूपिणम् १८.
ब्रह्मचारी समायात एक एव न चापरः किमर्थं तन्न जानीमो जानीहि त्वं महामते॥ १८.
एवमुक्ते तु वचने ताभ्यां स च महामनाः १८.
स ददर्श महातेजा विरोचनसुतो महान् १८.
आनयित्वा बटुं सद्यः संनिवेश्यः निजासने १८.
विनम्रकंधरो भूत्वा उवाच श्लक्ष्णया गिरा १८.
तच्छ्रुत्वा वचनं तस्य विरोचनसुतस्य वै १८.