तडागे दश पिंडांश्च उद्धृत्य स्नानमाचरेत् १७.
सर्वेषामपि तीर्थानां गंगास्नानं विशिष्यते १७.
प्रदीपानां सहस्रेण दीपनीयः सदाशिवः १७.
घृतेन दीपयेद्दीपाञ्छिवस्य परितुष्टये १७.
उपचारैः षोडशभिर्लिंगरूपी सदा शिवः १७.
प्रदक्षिणं प्रकुर्वीत शतमष्टोत्तरं तथा १७.
प्रदक्षिणनमस्कारैः पूजनीयः सदाशिवः १७.
नमो रुद्राय भीमाय नीलकण्ठाय वेधसे १७.
वृषध्वजाय सोमाय नीलकण्ठाय वै नमः १७.
तपोमयाय व्याप्ताय शिपिविष्टाय वै नमः १७.
महीधराय व्याघ्राय पशूनां पतये नमः १७.
मीनाय मीननाथाय सिद्धाय परमेष्ठिने १७.
कपोताय विशिष्टाय शिष्टाय परमात्मने १७.
दीर्घाय दीर्घदीर्घाय दीर्घार्घाय महाय च १७.
गजासुरविनाशाय ह्यंधकासुरभेदिने १७.
भक्तिप्रियाय देवाय ज्ञानज्ञानाव्ययाय च १७.
त्रिनेत्राय त्रिवेदाय वेदांगाय नमोनमः १७.
विश्वरूपाय विश्वाय विश्वनाताय वै नमः १७.
अरूपाय च सूक्ष्माय सूक्ष्मसूक्ष्माय वै नमः १७.
शशांकशेखरायैव रुद्रविश्वाश्रयाय च १७.
लिंगरूपाय लिंगाय लिंगानां पतये नमः १७.
नमोनमः कारणकारणाय ते मृत्युंजयायात्मभवस्वरूपिणे १७.
नाम्नां शतं महेशस्य उच्चार्यं व्रतिना तदा कार्यं प्रदोषसमये तुष्ट्यर्थं संकरस्य च॥ १७.
एवं व्रतं समुद्दिष्टं तव शक्र महामते १७.
शंभोः प्रसादात्सर्वं ते भविष्यति जयादिकम्॥ १७.
वृत्रो ह्ययं महातेजा दैतेयस्तपसा पुरा १७.
नाम्ना चित्ररथो राजा वनं चित्ररथस्य तत् १७.
यस्मिन्वने महाभाग न संति च षडूर्मयः तस्य राज्ञः शिवेनैव दत्तं यानं महाद्भुतम्॥ १७.
कामगं किंकिणीयुक्तं सिद्धचारणसेवितम् १७.
ततस्तेनैव यानेन पृथिवीं पर्यटन्पुरा १७.