तैर्याचितास्तेऽत्र सुरासुराश्च ददुश्च ता गाः शिवतोषणाय ११.
पुण्याहं मुनिभिः सर्वैः कारितास्ते तदा सुराः ११.
पुनः सर्वे सुसंरब्धा ममंथुः क्षीरसागरम् ११.
कल्पवृक्षः पारिजातश्चूतः संतानकस्तथा ममंथुरुग्रं त्वरिताः पुनः क्षीरार्णवं बुधा॥ ११.
निर्मथ्यमानादुदधेरभवत्सूर्यवर्चसम् ११.
स्वकीयेन प्रकाशेन भासयंतं जगत्त्रयम् ११.
सर्वे सुरा ददुस्तं वै कौस्तुभं विष्णवे तदा ममंथुः पुनरेवाब्धिं गर्जंतस्ते बलोत्कटाः॥ ११.
मथ्यमानात्ततस्तस्मादुच्चैःश्रवाः समद्भुतम् ११.
तथैव गजरत्नं च चतुःषष्ट्या समन्वितम् ११.
तान्सर्वान्मध्यतः कृत्वा पुनश्चैव ममंथिरे ११.
मदिरा विजया भृंगी तथा लशुनगृंजनाः ११.
स्थापिता नैकपद्येन तीरे नदनदीपतेः ११.
निर्मथ्यमानादुदधेस्तदासीत्सा दिव्य लक्ष्मीर्भुवनैकनाथा ११.
ब्रह्मविद्यां केचिदाहुः समर्थाः केचित्सिद्धिमृद्धिमाज्ञा मथाशाम् ११.
वदंति सर्वे केनसिद्धांतयुक्तां यां योगमायां ज्ञानशक्त्यान्विता ये॥ ११.
ददृशुस्तां महालक्ष्मीमायांती शनकैस्तदा ११.
सुस्मितां सुद्विजां श्यामां नवयौवनभूषणाम् ११.
बिंबोष्ठीं सुनसां तन्वीं सुग्रीवां चारुलोचनाम् ११.
नानारत्नप्रदीपैश्च नीराजितमुखांबुजाम् ११.
मूर्द्धनि ध्रियमाणेन च्छत्रेणापि विराजिताम् ११.
पांडुरं गजमारूढां स्तूयमानां महर्षिभिः ११.
कराग्रे ध्रियमाणां तां दृष्ट्वा देवाः समुत्सुकाः ११.
देवांश्च दानवांश्चैव सिद्धचारणपन्नगान् ११.
आलोकितास्तथा देवास्तया लक्ष्म्या श्रियान्विताः दैत्यास्ते निःश्रिका जाता ये श्रियाऽनवलोकिताः॥ ११.
निरीक्ष्यमाणा च तदा मुकुन्दं तमालनीलं सुकपोलनासम् ११.
दृष्ट्वा तदैव सहसा वनमालयान्विता लक्ष्मीर्गजादवततार सुविस्मयंती ११.
वामांगमाश्रित्य तदा महात्मनः सोपाविशत्तत्र समीक्ष्य ता उभौ ११.
सर्वेषामेव लोकानामैकपद्येन सर्वशः ११.
लक्ष्म्या वृतो महाविष्णुर्लक्ष्मीस्तेनैव संवृता ११.
शंखाश्च पटहाश्चैव मृदंगानकगोमुखाः ११.