एवं ते लिंगिताः सर्वे लोकपालाः सवासवाः ८.
दैत्यानां वैष्णवाः केचित्प्रह्लादप्रमुखा द्विजाः ८.
बलिश्च नमुचिश्चैव हिरण्यकशिपुस्तथा ८.
एते चान्ये च बहवः शिष्याः शुक्रस्य धीमतः ८.
राक्षसा एव ते सर्वे शिवपूजान्विताः सदा ८.
विद्युज्जिह्वस्तीक्ष्णदंष्ट्रो धूम्राक्षो भीमविक्रमः ८.
विद्युत्कैशस्तडिज्जिह्वो रावणश्च महाबलः ८.
एते हि राक्षसाः श्रेष्ठा शिवार्चनरताः सदा ८.
रावणेन तपस्तप्तं सर्वेषामपि दुःखहम् ८.
वरान्प्रायच्छत तदा सर्वेषामपि दुर्लभान् ८.
अजेयत्वं च संग्रामे द्वैगुण्यं शिरसामपि ८.
देवानृषीन्पितॄंश्चैव निर्जित्य तपसा विभुः ८.
राजा त्रिकूटाधिपतिर्महेशेन कृतो महान् ८.
तपस्विनां परीक्षायै यदृषीणां विहिंसनम् ८.
अजेयो हि महाञ्जातो रावणो लोकरावणः ८.
लोकपाला जितास्तेन प्रतापेन तपस्विना ८.
अमृतांशुकरो भूत्वा जितो येन शशी द्विजाः ८.
ऐश्वर्येण जितश्चेन्द्रो विष्णुः सर्वगतस्तथा ८.
तदा सर्वे सुरगणा ब्रह्मविष्णुपुरोगमाः ८.
पीडिताः स्मो रावणेन तपसा दुष्करेण वै ८.
साक्षाल्लिंगार्चनं येन कृतमस्ति महात्मना तत्कृतं रावणेनैव सर्वेषां दुरतिक्रमम्॥ ८.
वैराग्यं परमास्थाय औदार्यं च ततोऽधिकम् ८.
संवत्सरसहस्राच्च स्वशिरो हि महाभुजः ८.
रावणस्य कबंधं च तदग्रे च समीपतः ८.
लिंगे लयं समाधाय कयापि कलया स्थितम् कृतं नैवान्यमुनिना तथा चैवापरेणहि॥ ८.
एवं शिरांस्येव बहूनि तेन समर्पितान्येव शिवार्चनार्थे ८.
मया विनासुरस्तत्र पिंडीभूतेन वै पुरा ८.
रावणेन तदा चोक्तः शिवः परममंगलः ८.
न कामयेऽन्यं च वरमाश्रये त्वत्पदांबुजम् ८.
तदा सदाशिवेनोक्तो रावणो लोकरावणः ८.