वीरभद्रो महाबाहू रुद्रेणैव प्रचोदितः ३.
भद्रकाली तथा भद्रा त्वरिता वैष्णवी तथा ३.
शाकिनी डाकिनी चैव भूतप्रमथगुह्यकाः ३.
निजन्मुः सहसा तत्र यज्ञवाटं महाप्रभम् दशबाहवस्त्रिनेत्रा जटिला रुद्रभूषणाः॥ ३.
पार्षदाः शंकरस्यैते सर्वे रुद्रस्वरूपिणः ३.
छत्रचामरसंवीताः सर्वे हरपराक्रमाः ३.
अर्धचंद्रधराः सर्वे सर्वे चैव महौजसः ३.
सहस्रबाहुर्भुजगाधिपैर्वृतस्त्रिलोचनो भीमबलो भयावहः ३.
युग्यानां च सहस्रेण द्विप्रमाणेन स्यंदनम् ३.
तथैव दंशिताः सिंहा बहवः पार्श्वरक्षकाः छत्राणि विविधान्येव चामराणि तथैव च॥ ३.
मूर्द्धनिध्रियमाणानि सर्वतोग्राणि सर्वशः पटहा गोमुखाश्चैव श्रृंगाणि विविधानि च॥ ३.
ततोऽवाद्यंत तान्येव घनानि सुषिराणि च ३.
अनेकलास्यसंयुक्ता वीरभद्राग्रतोभवन् ३.
तेन नादेन महता नादितं भुवनत्रयम् ३.
यज्ञवाटं च दक्षस्य विनाशार्थं प्रहारिणः ३.
सप्तद्वीपवती पृथ्वी चचाल साद्रिकानना ३.
उत्तस्थुर्युगपत्सर्वे देवदैत्यनिशाचराः ३.
पृथ्वीं केचित्समायाता गगने केचिदागताः ३.
अनंता ह्यक्षयाः सर्वे शूरा रुद्रसमा युधि दृष्ट्वो चुर्विस्मिताः सर्वे यामोऽद्य शस्त्रपाणयः॥ ३.
इंद्रो हि गजमारूढो मृगारूढः सदागतिः ३.
कुबेरः पुष्पकारूढः पाशी मकरमेव च ३.
तथान्ये सुरसंघाश्च यक्षचारणगुह्यकाः ३.
स्वेषामुद्योगमालोक्य दक्षश्चाश्रुमुखस्ततः ३.
युष्मद्बलेनैव मया यज्ञः प्रारंभितो महान् ३.
विष्णो त्वं कर्मणः साक्षाद्यज्ञानां परिपालकः ३.
तस्माद्रक्षा विधातव्या यज्ञस्याऽस्य महाप्रभो ३.
मया रक्षा विधातव्या धर्मस्य परिपालने ३.
यातस्त्वद्यैव यज्ञस्य यत्त्वयोक्तं सदाशिवम् ३.
योऽयं रुद्रो महातेजा यज्ञरूपः सदाशिवः ३.
रुद्रकोपाच्च को ह्यत्र समर्थो रक्षणे तव ३.