पाषंडवादसंयुक्ताः शिष्टऽऽचारबहिष्कृताः १.
इति शप्तास्तदा तेन दक्षेण शिवकिंकराः १.
शप्ता वयं त्वया विप्र साधवः शिवकिंकराः १.
वेदवादरता यूयं नान्यदस्तीतिवादिनः १.
वैदिकं च पुरस्कृत्य ब्राह्मणाः शूद्रयाजकाः १.
दक्ष केचिद्भविष्यन्ति ब्राह्मणा ब्रह्मराक्षसाः लोमश उवाच १.
अथाकर्ण्येश्वरो वाक्यं नंदिनः प्रहसन्निव १.
कोपं नार्हसि वै कर्तुं ब्राह्मणान्प्रति वै सदा १.
वेदो मंत्रमयः साक्षात्तथा सूक्तमयो भृशम् १.
तस्मान्नात्मविदो निन्द्या आत्मैवाहं न चेतरः १.
प्रपंचरचनां हित्वा बुद्धो भव महामते १.
एवं प्रबोधितस्तेन शंभुना परमेष्ठिना शिवेन सह संगम्य परमानंदसंप्लुतः॥ १.
दक्षोपि हि रुषाऽऽविष्टऋषिभिः परिवारितः १.
श्रद्धां विहाय परमां शिवपूजकानां निंदापरः स हि बभूव नराधमश्च १.
एकदा तु तदा तेन यज्ञः प्रारंभितो महान् २.
ऋषयो विविधास्तत्र वशिष्ठाद्याः समागताः २.
दधीचो भगवान्व्यासो भरद्वाजोऽथ गौतमः २.
तथा सर्वे सुरगणा लोकपालस्तथाऽपरे विद्याधराश्च गंधर्वाः किंनराप्सरसां गणाः॥ २.
सप्तलोकात्समानीतो ब्रह्मा लोकपितामहः २.
देवेन्द्रो हि समानीत इंद्राण्या सह सुप्रभः २.
कुबेरः पुष्पकारूढो मृगाऽऽरूढोऽथ मारुतः २.
एते सर्वे समायाता यज्ञवाटे द्विजन्मनः २.
भवनानि महार्हाणि सुप्रभाणि महांति च २.
तेषु सर्वेषु धिष्ण्येषु यथाजोषं समास्थिताः॥ २.
वर्त्तमाने महायज्ञे तीर्थे कनखले तथा २.
दीक्षायुक्तस्तदा दक्षः कृतकौतुकमंगलः २.
रेजे महत्त्वेन तदा सुहृद्भिः परितः सदा २.
एते सुरेशा ऋषयो महत्तराः सलोकपालाश्च समागतास्तव २.
येनैव सर्वाण्यपि मंगलानि जातानि शंसंति महाविपश्चितः २.
अमंगलान्येव च मंगलानि भवंति येनाधिकृतानि दक्ष २.