हिरण्यकूपस्तत्रास्ति हिरण्याश्वसमृद्धिकृत्
मुंडासुरेश्वरं लिंगं तत्प्रतीच्यां च सिद्धिदम्
मुने स्कंदेश्वरं लिंगं महादेवस्य पश्चिमे
तत्पार्श्वतो हि शाखेशो विशाखेशश्च तत्र वै
तेषामपि हि लिंगानि तत्र संति सहस्रशः
नंदीश्वरात्प्रतीच्यां च शिलादेशः कुधीहरः
तद्दक्षिणेट्टहासाख्यं लिंगं सर्वसुखप्रदम् 4.2.97.
प्रसन्नवदनस्तिष्ठेद्भक्तस्तद्दर्शनाच्छुभात्
प्रतीच्यामट्टहासस्य मित्रावरुणनामनी
नैर्ऋत्यां चाट्टहासस्य वृद्धवासिष्ठसंज्ञकम्
वसिष्ठेश समीपस्थः कृष्णेशो विष्णुलोकदः
प्रह्लादेश्वरमभ्यर्च्य तत्पश्चाद्भक्तिवर्धनम्
अतः स्वलीनं तत्पूर्वे लिंगं पूज्यं प्रयत्नतः या गतिर्विहिता तेषां स्वलीने सा तनुत्यजाम्
वैरोचनेश्वरं लिंगं स्वलीनात्पुरतः स्थितम्
तत्रैव लिंगं बाणेशं पूजितं सर्वकामदम्
सर्वाविद्याः प्रसन्नाः स्युस्तस्य लिंगस्य सेवनात्
तत्रैव विकटा देवी सर्वदुःखौघमोचनी 4.2.97.
तत्र जप्ता महामंत्राः क्षिप्रं सिध्यंति नान्यथा
तदर्चनादश्वमेधफलं त्वविकलं भवेत्
महापापौघविध्वंसी सुग्रीवेशस्तदुत्तरे
महाबुद्धिप्रदस्तत्र पूज्यो जांबवतीश्वरः
तदुत्तरे भद्रह्रदो गवां क्षीरेण पूरितः
तत्फलं लभते मर्त्यः स्नातो भद्रह्रदे ध्रुवम्
तदा पुण्यतमः कालो वाजिमेधफलप्रदः
गोलोकं प्राप्नुयात्तस्मात्पुण्यान्नैवात्र संशयः
तस्य लिंगस्य संस्पर्शात्परा शांतिं समृच्छति
त्यजेदश्रेयसो राशिं श्रेयोराशिं च विंदति 4.2.97.
तदुत्तरे चक्रह्रदो महापुण्यविवर्धनः
शिवलोकमवाप्नोति भावितेनांतरात्मना
शूलं तत्र पुरा न्यस्तं स्नानार्थं वरवर्णिनि