सर्वाण्यपि च तीर्थानि युगपत्तुलितान्यपि
स्नात्वा पांचनदे तीर्थे दृष्ट्वा वै बिंदुमाधवम्
ततो ज्ञानहदं तीर्थं जडानामपि जाड्यहृत्
तत्र ज्ञानह्रदे स्नात्वा दृष्ट्वा ज्ञानेश्वरं नरः
ततोस्ति मंगलं तीर्थं सर्वामंगलनाशनम्
अमंगलानि नश्येयुर्भवेयुर्मंगलानि च ।। 4.2.84.
मयूखमालिनस्तीर्थं तदग्रे मलनाशनम्
मखतीर्थं तु तत्रैव मखैश्वर समीपतः
तत्पार्श्वे बिंदुतीर्थं च परमज्ञानकारणम्
पिप्पलादस्य च मुनेस्तीर्थं तद्याम्यदिक्स्थितम्
पिप्पलं तत्र सेवित्वा अश्वत्थ इति मंत्रतः
ततस्ताम्रवराहाख्यं तीर्थं चैवातिपावनम्
तदग्रे कालगंगा च कलिकल्मषनाशिनी
इंद्रद्युम्नं महातीर्थमिंद्रद्युम्नेश्वराग्रतः
ततस्तु रामतीर्थं च वीररामेश्वराग्रतः
तत ऐक्ष्वाकवं तीर्थं सर्वाघौघविनाशनम् 4.2.84.
मरुत्ततीर्थं तत्प्रांते मरुत्तेश्वरसन्निधो
मैत्रावरुणतीर्थं च ततः पातकनाशनम्
ततोग्नितीर्थविमलमग्नीश पुरतो महत्
अंगारतीर्थं तत्रैव अंगारेश्वरसन्निधौ
ततो वै कलितीर्थं च कलशेश्वरसन्निधौ
चंद्रतीर्थं च तत्रैव चंद्रेश्वरसमीपतः
तदग्रे वीरतीर्थं च वीरेश्वर समीपतः
विघ्नेशतीर्थं च ततः सर्वविघ्नविघातकृत्
हरिश्चंद्रस्य राजर्षस्ततस्तीर्थमनुत्तमम्
हरिश्चंद्रस्य तीर्थे तु यच्छ्रेयः समुपार्जितम् 4.2.84.
ततः पर्वततीर्थं च पर्वतेश समीपतः
कंबलाश्वतरं तीर्थं तत्र सर्वविषापहम्
ततः सारस्वतं तीर्थं सर्वविद्योपपादकम्
उमातीर्थं तु तत्रैव सर्वशक्तिसमन्वितम्