बाणतीर्थं च तस्यारात्तत्सहस्रभुजप्रदम्
गोप्रतारेश्वरं नाम तदग्रे तीर्थमुत्तमम्
तीर्थं हिरण्यगर्भाख्यं तद्याम्ये सर्वपापहृत्
ततः प्रणवतीर्थं च सर्वतीर्थोत्तमोत्तमम्
ततः पिशंगिला तीर्थं दर्शनादपि पापहृत्
स्नात्वा पिशंगिला तीर्थे दत्त्वा दानं च किंचन 4.2.84.
यो वै पिशंगिला तीर्थे स्नात्वा मामर्चयिष्यति
ततस्त्रैविष्टपीदृष्टि निर्मलीकृत पुष्कलम्
महतीं श्रियमाप्नोति मानवोतीव निश्चलाम्
ततो नागेश्वरं तीर्थं महाघपरिशोधनम्
तद्दक्षिणे महापुण्यं कर्णादित्याख्यमुत्तमम्
ततो भैरवतीर्थं च महाघौघक्षयप्रदम्
भौमाष्टम्यां तत्र नरः स्नात्वा संतर्पयेत्पितॄन्
तीर्थं खर्वनृसिंहाख्यं तीर्थाद्भरवतः पुरः
मृकंडस्य मुनेस्तीर्थं तद्याम्यामतिनिर्मलम
ततः पंचनदाख्यं वै सर्वतीर्थनिषेवितम् 4.2.84.
ब्रह्मांडोदरवर्तीनि यानि तीर्थानि सर्वतः
सर्वदा यत्र सर्वाणि दशम्यादिदिनत्रयम्
भूरिशः सर्वतीर्थानि मध्य काशि पदेपदे
अप्येकं कार्तिकस्याहस्तत्र वै सफलीकृतम्
सर्वाण्यपि च तीर्थानि युगपत्तुलितान्यपि
स्नात्वा पांचनदे तीर्थे दृष्ट्वा वै बिंदुमाधवम्
ततो ज्ञानहदं तीर्थं जडानामपि जाड्यहृत्
तत्र ज्ञानह्रदे स्नात्वा दृष्ट्वा ज्ञानेश्वरं नरः
ततोस्ति मंगलं तीर्थं सर्वामंगलनाशनम्
अमंगलानि नश्येयुर्भवेयुर्मंगलानि च ।। 4.2.84.
मयूखमालिनस्तीर्थं तदग्रे मलनाशनम्
मखतीर्थं तु तत्रैव मखैश्वर समीपतः
तत्पार्श्वे बिंदुतीर्थं च परमज्ञानकारणम्
पिप्पलादस्य च मुनेस्तीर्थं तद्याम्यदिक्स्थितम्