कृतपादोदक स्नानः कृतकेशवपूजनः
काश्यां सा भूमिरुद्दिष्टा श्वेतद्वीप इति द्विजैः
ततः पादोदकात्तीर्थात्तीर्थं क्षीराब्धिसंज्ञकम्
क्षीरोदाद्दक्षिणेभागे तीर्थं शंखाख्यनुत्तमम्
अर्वाक्च शंखतीर्थाद्वै चक्रतीर्थमनुत्तमम्
गदातीर्थं तदग्रे तु संसारगदनाशनम् 4.2.84.
पद्माकृत्पद्मतीर्थं च तदग्रे पितृतृप्तिकृत्
ततस्तीर्थं महालक्ष्म्या महापुण्यफलप्रदम्
ततो गारुत्मतं तीर्थं संसारगरनाशनम्
ततो नारदतीर्थं च ब्रह्मविद्यैककारणम्
प्रह्लादतीर्थं तद्याम्ये महाभक्तिफलप्रदम्
अंबरीषं ततस्तीर्थं महापातकनाशनम्
आदित्यकेशवं नाम तदग्रे तीर्थमुत्तमम्
दत्तात्रेयस्य तत्रास्ति तीर्थं त्रैलोक्यपावनम्
तदग्रे भार्गवं तीर्थं महाज्ञानसमर्पकम्
ततो वामनतीर्थं च विष्णुसान्निध्यहेतुकम् 4.2.84.
नरनारायणाख्यं हि ततस्तीर्थं शुभप्रदम्
यज्ञवाराहतीर्थं च ततो दक्षिणतः शुभम्
विदारनारसिंहाख्यं तीर्थं तत्रास्ति पावनम्
गोपीगोविंदतीर्थं च ततो वैष्णवलोकदम्
लक्ष्मीनृसिंहतीर्थं च गोपीगोविंद दक्षिणे
तद्दक्षिणायां काष्ठायां शेषतीर्थमनुत्तमम्
शंखमाधवतीर्थं च तद्याम्यां दिशि चोत्तमम्
ततोपि पावनतरं तीर्थं तत्क्षणसिद्धिदम्
तत्रोद्दालकतीर्थं च सर्वाघौघ विनाशनम्
ततः सांख्याख्य तीर्थं च सांख्येश्वर समीपतः 4.2.84.
स्वर्लोकाद्यत्र संलीनः स्वयं देव उमापतिः
तत्र स्नानेन दानेन श्रद्धया द्विजभोजनैः
महिषासुरतीर्थं च तत्समीपेति पावनम्
तत्तीर्थसेवकोद्यापि नारिभिः परिभूयते