जीर्णोद्धारादिकरणमक्षय्यफलहेतुकम्
भुक्त्वा भोगांश्च विपुलानंते सिद्धिमवाप्स्यसि
पुण्यस्तत्रापि संभेदः सरितोरसि गंगयोः 4.2.83.
यत्र विष्णुर्हयग्रीवो भक्तचिंतितमर्पयेत्
यत्र वै स्नानमात्रेण गजदानफलं लभेत्
कोकावराहमभ्यर्च्य तत्र नो जन्मभाग्जनः
दिलीपतीर्थं सुश्रेष्ठं सद्यः पापहरं परम्
यत्र मज्जन्नरो मज्जेन्न भूयो दुःखसागरे
सप्ताब्धिस्नानजं पुण्यं यत्र स्नात्वा नरो लभेत्
सकृद्यत्राप्लुतो धीमान्दहेदघमहोदधिम्
पापं सुवर्णचौर्यादि यत्र स्नात्वा क्षयं व्रजेत्
हंस स्वरूपी यत्राहं नयामि ब्रह्मदेहिनः
ततस्त्रिभुवनाख्यस्य केशवस्याति पुण्यदम् 4.2.83.
गोव्याघ्रे श्वर तीर्थं च ततोप्यधिकमेव हि
ततोपि हि वरं वीर तीर्थं मांधातुसंज्ञितम्
ततोपि मुचुकुंदाख्यं तीर्थं चातीव पुण्यदम्
पृथु तीर्थं ततोप्युच्चैः श्रेयसां साधनं परम्
ततः परशुरामस्य तीर्थं चातीव सिद्धिदम् ।। यत्र क्षत्रवधात्पापाज्जामदग्न्यो विमुक्तवान्
अद्यापि क्षत्रवधजं पापं तत्र प्रणश्यति
ततोपि श्रेयसां कर्तृ तीर्थं कृष्णाग्रजस्य हि
दिवोदासस्य वै तीर्थं तत्र राज्ञोऽतिमेधसः
ततोपि हि महातीर्थं सर्वपापप्रणाशनम्
स्नात्वा भागीरथी तीर्थे कृत्वा श्राद्धं विधानवित् 4.2.83.
हरपापं च भो वीर तीर्थं भागीरथीतटे
यो निष्पापेश्वरं लिंगं तत्र पश्यति मानवः
दशाश्वमेधतीर्थं च ततोपि प्रवरं मतम् ।। दशानामश्वमेधानां यत्र स्नात्वा फलं लभेत्
ततोपि शुभदं वीर बंदीतीर्थं प्रचक्षते
हिरण्याक्षेण दैत्येन बहुशो देवताः पुरा
ततो विशृंखलीभूतैर्वंदिता यज्जगज्जनिः
बंदीतीर्थस्तु तत्रैव महानिगडखंडनम्