रक्षंति सततं क्षेत्रं यत्र पाशासिपाणयः
प्राग्द्वारमट्टहासश्च गणकोटिपरीवृतः 4.2.74.
तथैव भूतधात्रीशः क्षेत्रदक्षिणरक्षकः
उदग्द्वारं तथा रक्षेद्घंटाकर्णो महागणः
रक्षः काष्ठां शंकुकर्णो दृमिचंडो मरुद्दिशम्
कालाक्षोरण भद्रस्तु कौलेयः कालकंपनः
वीरभद्रो नभश्चैव कर्दमालिप्तविग्रहः
विशालाक्षो महाभीमः कुंडोदरमहोदरौ
नंदिसेनश्च पंचालः खरपादकरंटकः
तस्मिन्क्षेत्रे महापुण्ये लिंगमोंकारसंज्ञकम्
कपिलश्चैव सावर्णिः श्रीकंठः पिगलोंशुमान्
एकदा तस्य लिंगस्य कृत्वा पंचापिपूजनम् 4.2.74.
अन्यच्च ते प्रवक्ष्यामि तत्र यद्वृत्तमद्भुतम्
एका भेकी मुने तत्र चरंती लिंग सन्निधौ
सा तत्र मृत्युं न प्राप शिवनिर्माल्यभक्षणात्
वरं विषमपिप्राश्यं शिवस्वं नैव भक्षयेत्
शिवस्य परिपुष्टांगाः स्पर्शनीया न साधुभिः
कश्चित्काकः समालोक्य मंडूकीं तामितस्ततः
306a वर्षाभ्वी तेन सा क्षिप्ता काकेन क्षेत्रबाह्यतः
प्रदक्षिणीकरणतो लिंगस्यस्पर्शनादपि
शुभावयवसंस्थाना शुभलक्षणलक्षिता
सम्यग्गीतरहस्यज्ञा नितरां मधुरस्वरा 4.2.74.
ताना एकोनपंचाश ताला एकोत्तरंशतम्
306b षड्विंशद्रागरागिण्य इति रागि मुदावहाः
यावंत एव तालाः स्यु रागास्तावंत एव हि
माधवी मधुरालापा सदोंकारं समर्चयेत्
प्राग्जन्मवासनायोगादोंकारं बह्वमंस्त वै
दमनस्थैर्यमगमद्योगेनेव महात्मनः
अतंद्रितमना आसीत्सा तल्लिंग निरीक्षणे
तावत्कालस्तया साध्व्या महान्विघ्नोऽनुमीयते लिंगानवेक्षणात्तत्र प्रायश्चित्तं कथं भवेत