कालंजरान्नीलकंठस्तिष्ठेदत्र स्वयं विभुः
नीलकंठेश्वरं लिंगं काश्यां यैः परिपूजितम् 4.2.69.
काश्मीरादिह संप्राप्तं लिंगं विजयसंज्ञितम्
रणे राजकुले द्यूते विवादे सर्वदैव हि
ऊर्ध्वरेतास्त्रिदंडायाः संप्राप्तोत्र स्वयं विभुः
ऊर्ध्वां गतिमवाप्नोति वीक्षणादूर्ध्वरेतसः
मंडलेश्वरतः क्षेत्राल्लिंगं श्रीकंठसंज्ञितम्
श्रीकंठस्य च ये भक्ताः श्रीकंठा एव ते नराः
छागलांडान्महातीर्थात्कपर्दीश्ववरसंज्ञितः
कपर्दीशं समभ्यर्च्य न नरो निरयं व्रजेत्
आम्रातकेश्वरात्क्षेत्राल्लिंगं सूक्ष्मेश संज्ञितम्
विकट द्विजसंज्ञस्य गणेशस्य समीपतः 4.2.69.
संप्राप्तमिह देवेशं जयंतं मधुकेश्वरात्
जयंतेश्वरमालोक्य स्नात्वा गंगाजले शुभे
प्रादुश्चकार देवेशः श्रीशैलात्त्रिपुरांतकः
त्रिपुरांतकमालोक्य तत्फलं हेलयाप्यते
संपूज्य परया भक्त्या न नरो गर्भमाविशेत्
वक्रतुंड गणाध्यक्ष समीपे सोपतिष्ठते
जालेश्वरात्त्रिशूली च स्वयमीशः समागतः
रामेश्वरान्महाक्षेत्राज्जटीदेवः समागतः
हरेश्वरो हरिश्चंद्रात्क्षेत्रादत्र समागतः 4.2.69.
इह शर्वः समायातः स्थानान्मध्यमकेश्वरात्
शर्वं लिंगं समभ्यर्च्य काश्यां परमसिद्धिकृत्
स्थलेश्वरान्महालिंगं प्रादुर्भूतं परंत्विह
महालिंगं समभ्यर्च्य महाश्रद्धासमन्वितः
इह लिंगं सहस्राक्षं सुवर्णाख्यात्समागतम्
शैलेश्वरादवाच्यां तु सहस्राक्षेश्वरं विभुम्
हर्षिताद्धर्षितं चात्र प्रादुरासीत्तमोहरम्
मंत्रेश्वर समीपे तु प्रासादो हर्षितेशितुः
इह स्वयं समायातो रुद्रो रुद्रमहालयात्