आज्ञापयत्तदा देवो विश्वकर्माणमागतम्
मंदिरं मम दिव्यं च महामणिगणोज्ज्वलम्
आबभाषे शिवः श्रीमान्नामभेदार्चनक्रमम्
शृणु तन्मे च ये सृष्टा पूजार्थं परिचारकाः 1.3.1.8.
य एष सर्वलोकानां क्षेमाय प्रथते भुवि
अरुणाद्रीश्वराभिख्यं पूज्यतां सततं त्वया
दधती स्थानमाहात्म्यमपीतकुचनामिका
उत्सवार्थो महादेवः पूज्यो भोगसुतावृतः
सारंगं परशुं विभ्रत्प्रसन्नवदनः सदा
आभया भासयँल्लोकानविकुण्ठश्रियान्वितः
सर्वभूषणसंयुक्ता शृङ्गाररसवर्द्धनी
मदंतिकमलंकुर्वन्भक्ष्यैर्भोज्यैर्बहूदयैः
उत्सवार्था परा शक्तिरंतिकस्थैव पूज्यताम्
उत्सवार्थं समभ्यर्च्यश्चक्षुरग्रेऽमृतेश्वरः 1.3.1.8.
द्वारे नन्दी महाकालः पुरस्तात्सूर्यसंनिभः
दक्षिणे मातरः पूज्या विघ्नशास्तृसमन्विताः
स्कन्दः शक्तिधरश्चैवैशानकोणे समर्च्यताम्
मंदिरं मम संपूज्य दक्षिणामूर्ति दक्षिणम्
उत्तरे ब्रह्मरूपांकं पूर्वे सारंगभूयुतम्
अपीतकुचनाथायाः सर्वशक्तिसमन्वितम्
मंदिरस्यावनार्थाय देवीर्वैभवनायकाः
क्षेत्रपालं तु संपूज्य सर्वावरणसंयुतम्
काली बहुविधाश्चान्या देवता विधिपालकाः
सृजस्व कन्यका दिव्याः शिवदेवार्हणे रताः ।। 1.3.1.8.
चारुविभ्रमसंयुक्ताः कामदा नित्यपावनाः
दिव्योपचारसंसिद्ध्यै सुभगाञ्छुद्धचेतसः
शैवाचारप्रसिद्ध्यर्थमादिशाभ्यर्चने मम
शौल्बिकान्सृज सद्विद्यांश्चतुर्विद्याविशारदान्
चत्वारश्च मठाः कल्प्याश्चतुर्दिक्तीर्थवासिनाम्
तेषु स्थिता मुनींद्रा मे रक्षंतु शिवपूजनम्