एतानि सिद्धलिंगानिच्छन्नानि स्युर्युगेयुगे
हंसतीर्थस्य परितो लिंगानामयुतं मुने
एकैकं सिद्धिदं नृणामविमुक्तनिवासिनाम्
लोमशेशं महालिंगं लोमशेन प्रतिष्ठितम्
मालतीशं शुभं लिंगं कृत्तिवासोत्तरे महत्
अंतकेश्वर संज्ञं च लिंगं तद्रुद्रदिक्स्थितम्
जनकेशं महालिंगं तत्पार्श्वे ज्ञानदं परम् 4.2.68.
तदुत्तरे महामूर्तिरसितांगोस्ति भैरवः
शुष्कोदरी च तत्रास्ति देवी विकटलोचना
अग्निजिह्वोस्ति वेतालस्तस्या देव्यास्तु नैर्ऋते
वेतालकुंडं तत्रास्ति सर्वव्याधिविघातकृत्
वेतालकुंडे सुस्नातो वेतालं प्रणिपत्य च
गणोस्ति तत्र द्विभुजश्चतुष्पात्पंचशीर्षकः
तदुत्तरे मुने रुद्रश्तुःशृंगोस्ति भीषणः
रोरूयते वृषाकारस्त्रिधा बद्धः स कुंभज
तेषां च संछिदां कर्तुमहं धृतकुठारकः
सुधाघटकरश्चाहं तद्वंशपरिषेककृत् 4.2.68.
महामहोपचारैश्च न विघ्नैरभिभूयते
मणिकुंडं तदग्रे तु विषव्याधिहरं परम्
मणिमाणिक्यसंपूर्ण गजाश्वरथसंकुलम्
कृत्तिवासेश्वरं लिंगं काश्यां यैर्न विलोकितम्
तल्लिंगदर्शनाच्छ्रेयो लप्स्यंते नात्र संशयः
सेवितानि नृणां मुक्त्यै भवेयुर्भावितात्मनाम्
कृत्तिप्रावरणं यत्र कृतं देवेन लीलया
स्थिते तत्रोमया सार्धं स्वेच्छया कृत्तिवाससि
देवदेवेश विश्वेश प्रासादाः सुमनोहराः
भूर्भुवःस्वस्तले यानि शुभान्यायतनानि हि
यतो यच्च समानीतं यत्र यच्च कृतास्पदम्
स्थाणुर्नाम महालिंगं देवदेवस्य मोक्षदम्
तदग्रे सन्निहत्याख्या महापुष्करिणी शुभा