क्षेत्रस्य पश्चिमे भागे स देहलिविनायकः
क्षेत्रवायव्यदिग्भागे उद्दंडाख्यो गजाननः
काश्याः सदोत्तराशायां पाशपाणिर्विनायकः
गंगावरणयोः संगे रम्यः खर्वविनायकः
प्राच्यां तु क्षेत्ररक्षार्थं सिद्धः सिद्धिविनायकः
बाह्यावरणगाश्चैते काश्यामष्टौ विनायकाः
द्वितीयावरणे चैव ये रक्षंति विनायकाः
स्वर्धुन्याः पश्चिमे कूले उत्तरेर्कविनायकात्
तत्पश्चिमेकूटदंत उदग्दुर्गविनायकात् ।। 4.2.57.
भीमचंड गणाध्यक्षात्किंचिदीशानदिग्गतः
प्राच्या देहलिविघ्नेशात्कूश्मांडाख्यो विनायकः
उद्दंडाख्याद्गणपतेराशुशुक्षणिदिक्स्थितः
पाताले तस्य देहोस्ति मुंडं काश्यां व्यवस्थितम
पाशपाणेर्गणेशानाद्दक्षिणे विकटद्विजम्
खर्वाख्यान्नैर्ऋतेभागे राजपुत्रो विनायकः
गंगायाः पश्चिमे कूले प्रणवाख्यो गणाधिपः
द्वितीयावरणे काश्यामष्टावेते विनायकाः
क्षेत्रे तृतीयावरणे क्षेत्ररक्षाकृतः सदा
उदग्वहायाः स्वर्धुन्या रम्ये रोधसि विघ्नराट् 4.2.57.
कूटदंताद्गणपतेरुदीच्यामेकदंतकः
काशीभयहरो नित्यमैश्यां शालकटंकटात्
कूश्मांडात्पूर्वदिग्भागे पंचास्यो नाम विघ्नराद्
हेरंबाख्यः सदाग्नेय्यां पूज्यो मुंडविनायकात्
अवाच्यामर्चयेद्धीमान्सिद्ध्यै विकटदंततः
विनायकाद्राजपुत्रात्किंचिद्रक्षोदिशिस्थितः
याम्यां प्रणवविघ्नेशाद्गणेशो मोदकप्रियः
चतुर्थावरणे काश्यां भक्तविघ्नविनाशकाः
वक्रतुंडादुदग्दिक्स्थः स्वःसिंधो रोधसिस्थितः
कौबेर्यामेकदशनात्सिंहतुंडो विनायकः 4.2.57.
कूणिताक्षो गणाध्यक्षस्त्रितुंडादीश दिक्स्थितः